Atyraýda 17 jastaǵy jasóspirim ózine-ózi qol jumsamaq boldy. Oqıǵa 9 jeltoqsanda Berǵalıev kóshesiniń boıyndaǵy kópirde bolǵan, dep habarlaıdy Egemen.kz.
Muny baıqaǵan polısııa qyzmetkerleri oqıǵa ornyna dereý jetken.
- Qazirgi ýaqytta jedel-tergeý toby jas jigitti mundaı áreketke ıtermelegen sebepterdi anyqtap jatyr. Tergeý bastaldy, - delingen polısııa taratqan aqparatta.
Eske salaıyq, buǵan deıin bas prokýror Berik Asylov keıingi kezde jıilep ketken sýısıd máselesine qatysty pikir bildirgen edi.
- Balalardyń ózine-ózi qol jumsaý tolqyny qoǵamda rezonans týdyrdy. Prokýrorlarǵa ár derek boıynsha tergeýdi erekshe baqylaýdy tapsyrdym. Áleýmettik jeliler balalardyń sýısıd belsendiligine áser etetindikten prokýrorlar 15 myń zııan saıt pen siltemeni buǵattady, - dep jazdy Asylov H áleýmettik jelisindegi paraqshasynda.