Premer-mınıstr Oljas Bektenovtiń tóraǵalyǵymen ótken Úkimet otyrysynda transshekaralyq habtardy damytý máselesi qaraldy, dep habarlaıdy Egemen.kz.
Saýda jáne ıntegrasııa mınıstri Arman Shaqqalıev Premer-mınıstrge búginde aýmaqtary temirjol jáne avtojoldary: «Qorǵas toraby», «Kaspıı toraby», «Eýrazııa «transshekaralyq saýda ortalyǵy», «Ortalyq Azııa» HО́KO jáne ındýstrııalyq saýda-logıstıkalyq kesheni arqyly qosylǵan 5 transshekaralyq habty qalyptastyrý boıynsha jumystar júrgizilip jatqanyn baıandady.
Sonymen qatar Mańǵystaý oblysyndaǵy Aqtaý jáne Quryq porttarynda konteınerlik habtar men Astana, Almaty, Shymkent jáne Aqtóbe qalalary áýejaılarynda mýltımodaldy áýe habtaryn qurý pysyqtalyp jatyr. Premer-mınıstr ınvestorlar izdeý jáne habtardyń ınvestısııalyq jaǵynan tartymdylyǵyn arttyrý jumystaryn kúsheıtýdiń mańyzdy ekenin basa aıtty.
«Shyǵys-Batys, Soltústik-Ońtústik jáne Transkaspıı halyqaralyq kólik baǵyty dálizderi áleýetin tıimdi paıdalaný qajet. Olar Qytaı, Parsy shyǵanaǵy elderi, Kavkaz jáne Eýropa naryqtaryna shyǵýdy qamtamasyz etedi. Qazaqstanda bes habty tolyq iske qosý júkterdi ótkizý ýaqytyn qysqartýǵa, ónerkásip óndirisiNiń kólemin arttyrýǵa jáne salyq túsimderin ulǵaıtýǵa múmkindik beredi. Sondaı-aq ınvestısııalar men tehnologııalardy tartyp, mańyzdy jobalardy iske asyrýǵa, jańa turaqty jumys oryndaryn qurýǵa jol ashylady», dedi Oljas Bektenov.