Almatynyń «Qaırat» fýtzal komandasy taǵy da ÝEFA Kýbogynyń ıegeri atandy. Bul joly ol fınalda Ispanııanyń «Barselona» komandasyn 3:2 etip utyp, osy júldege ekinshi márte qol jetkizdi.
Kýboktyń fınaldyq matchy Portýgalııanyń astanasy – Lıssabon qalasynda ótti. Kezdesý barysynda qazaqstandyqtar sapynan Ýmberto (17-mınýt), Aleshanre Dıvaneı (19-mınýt) jáne Igor (32-mınýt) syndy oıynshylar mergendikterimen kózge túsip, jeńisti qamtamasyz etti.
Aıta keteıik, almatylyqtar munyń aldyndaǵy jartylaı fınaldyq matchta Máskeýdiń «Dına» jasaǵyn 7:4 esebimen tize búktirip edi. Al máskeýlikter sońynan Lısabonnyń «Sportıngimen» bolǵan qola medal úshin talasta taǵy jeńilip qaldy.
Osymen «Qaırat» Eýropa fýtbol assosıasııasynyń bas júldesin ekinshi dúrkin jeńip alyp otyr. Ol Kýbokqa birinshi ret 2013 jyly qol jetkizgen edi. Al 2014 jyldyń kúzinde Almatyda Máskeýdiń «Dınasyn» 3:2 etip utyp, ÝEFA-nyń Sýperkýbogyn da alǵan bolatyn.
Rýslan IGILIK.