Sátbaev qalasyndaǵy №14 – mektepke jańa oqý jylynda Farıza Otjanqyzy dırektor bolyp keldi. Jas ta jigerli basshy mektepti jańa deńgeıge kóterý maqsatynda kóptegen izdenisterge barýda. Ol mektepte dombyrashylar orkestrin uıymdastyrýdy oılaǵan edi. Biraq..
Qol qysqa, qarjy tapshy bolǵan soń, oıdaǵyny iske asyrý ońaıǵa soqpaıdy eken. Sodan demeýshi izdeýge týra keldi. Onyń ótinishine «Aýyl» partııasynyń oblystyq fılıaly kómek qolyn usyndy. Sóıtip, «Aýyl» mektepke 20 dombyra syıǵa tartty.
-Qazir baspasózge jazylý naýqany júrip jatqanyn eskerip, mekteptiń ata-analarynyń arasynan 5 kisini «Egemen Qazaqstan» gazetine 1 jylǵa tegin jazdyrdyq –deıdi fılıal tóraǵasy Abzal Jıenbaev.
Sóıtip, ulytaýlyq «aýyldyqtar» balalarǵa dombyra, úlkenderge «Egemen» Qazaqstan» gazetin syıǵa tartyp, rýhanııat janashyrlary ekenin tanytty.