Qazaqstan Respýblıkasynyń Táýelsizdik kúnine oraı Prezıdent Qasym-Jomart Toqaevtyń atyna shet memleketterdiń basshylary men halyqaralyq uıymdardyń jetekshilerinen quttyqtaý jedelhattary kelip túsip jatyr, dep habarlaıdy Egemen.kz Aqordanyń baspasóz qyzmetine silteme jasap.
О́zbekstan Prezıdenti Shavkat Mırzııoev Qasym-Jomart Toqaevty jáne Qazaqstan halqyn Táýelsizdik kúni merekesimen quttyqtady.
«Júzdegen jyldardan beri tatý kórshi ári dos sanalatyn eki el arasyndaǵy ózara senim, qurmet jáne qoldaý rýhyndaǵy strategııalyq seriktestik pen odaqtastyq qarym-qatynas qarqyndy damı beretinine senimdimin», delingen jedelhatta.Qyrǵyzstan Prezıdenti Sadyr Japarov táýelsiz Qazaqstannyń memleket basqarý, áleýmettik-ekonomıkalyq damý men belsendi syrtqy saıasat júrgizý isterinde aıtarlyqtaı tabysqa qol jetkizgenine toqtalǵan.
«Elderimizdiń arasyndaǵy san ǵasyrlyq dostyqqa, tatý kórshilikke jáne strategııalyq seriktestikke negizdelgen baılanystyń aldaǵy ýaqytta da órleı beretinine kámil senemin», dep jazylǵan jedelhatta.Tájikstan Prezıdenti Emomalı Rahmon quttyqtaýynda qazaq-tájik baılanysynyń qarqyndy sıpatyn joǵary baǵalady.
«Biz ózara tıimdi yqpaldastyqty dáıekti túrde ilgeriletýge basa mán beremiz. Sonymen qatar memleketterimizdiń basty múddesine saı eki el arasyndaǵy yntymaqtastyqty damytý úshin naqty qadamdar jasaýǵa daıynbyz», dep jazǵan Tájikstan Prezıdenti.Túrikmenstan Prezıdenti Serdar Berdimuhamedov Memleket basshysy men Qazaqstan halqyn Táýelsizdik kúni merekesimen quttyqtap, ekijaqty baılanys barlyq baǵyt boıynsha tabysty órleı túskenine nazar aýdarǵan.
«Bul oraıda Sizdiń jaqynda Túrikmenstanǵa jasaǵan resmı saparyńyz erekshe mańyzǵa ıe. Ashhabadta júrgizgen kelissózder aıasynda qol jetkizilgen ýaǵdalastyqtar elderimiz arasyndaǵy qarym-qatynasty odan ári damytýǵa aıtarlyqtaı úles qosaryna senimim mol», dep jazylǵan jedelhatta.Memleket basshysyna sondaı-aq Túrikmenstan Halk Maslahatynyń tóraǵasy Gýrbangýly Berdimuhamedov te quttyqtaýyn joldaǵan. Sonymen qatar Qazaqstan Respýblıkasynyń Táýelsizdik kúnine oraı jedelhattaryn BAÁ Prezıdenti sheıh Muhammed Ben Zaıd Ál Nahaıan, BAÁ Vıse-prezıdenti, Premer-mınıstri, Dýbaı ámirshisi sheıh Muhammed ben Rashıd Ál Maktým, Saýd Arabııasynyń Koroli, Qos kıeniń saqshysy Salman ben Abdýlazız Ál Saýd, Saýd Arabııasy Koroliniń Taq murageri, Mınıstrler keńesiniń tóraǵasy Muhammed ben Salman ben Abdýlazız Ál Saýd, Ýkraına Prezıdenti Vladımır Zelenskıı, Palestına Prezıdenti Mahmýd Abbas, Lıvııa Prezıdenttik keńesiniń tóraǵasy Muhammed Iýnýs ál-Manfı, TMD Bas hatshysy Sergeı Lebedev, TMU Bas hatshysy Kýbanychbek О́mirálıev, Tatarstan Raısy Rústem Mınnıhanov jáne basqalary joldady.