Búgin Vanýatý jaǵalaýynda magnıtýdasy 7,3 bolatyn kúshti jer silkinisi bolyp, el astanasy Port-Vıla zardap shekti, dep habarlaıdy Egemen.kz DW saıtyna silteme jasap.
Jer asty dúmpýleri birqatar nysandarǵa aıtarlyqtaı zııan keltirgen. Ulybrıtanııa, Fransııa jáne Jańa Zelandııa dıplomatııalyq ókildikteri ornalasqan ǵımarattardyń biri qatty zaqymdanǵan. Áleýmettik jelide jarııalanǵan beınejazbalardan ǵımarattyń toqtap turǵan kólikterdiń ústine qulap, joldardy jaýyp jatqan kóshkinderi kórsetilgen.
Jer silkinisinen keıin birden sýnamı týraly eskertý jarııalanǵan, biraq eki saǵattan keıin eskertý alynyp tastalǵan. Degenmen, aımaqta sý tasqynynan 30 santımetrge deıingi shaǵyn tolqyndar kútiledi.
Bılik zııan shekken aımaqtardyń aýqymyn baǵalap, izdestirý-qutqarý jumystaryn júrgizip jatyr.
Alǵashqy jer silkinisinen keıin birneshe saǵat ótken soń, dál sol aımaqta magnıtýdasy 5,5 balldyq dúmpý bolǵan.
Aıta keteıik, Vanýatý - 330 myńǵa jýyq halqy bar 80 araldan turatyn Tynyq muhıtyndaǵy memleket. Bul aımaq jer silkinisi men janartaý atqylaýy jıi bolatyn Tynyq muhıtynyń órt saqınasynda ornalasqan.