Kúndelikti turmys-tirshilikte alýan túrli qoldanysqa paıdalanylatyn zamanaýı úlgidegi elektr shamdary Jambyl aýdany Qasymbek aýylyndaǵy «Kaz Tek Invest» zaýytynda óndiriledi. Otandyq kásiporynda jaryq dıodty shamdardyń 100-den astam túri shyǵarylady. Onyń ishinde keńsege, kóshege, turmysqa jáne ónerkásip oryndaryna arnalǵan ártúrli pishindegi shamdar bar.
Budan bólek, elektr symdary, mektep partalary, saıabaqtarǵa arnalǵan oryndyqtar men órt sóndirý bólimderine, medısınalyq mekemelerge myń túrli ólshemdegi shkaftar men tósekter de jasalady. Osy kúni otandyq ónimniń 400-ge jýyq túri tutynýshyǵa jóneltilip jatyr. О́ndirilgen buıymdardy árleýge qoldanylatyn oıý-órnekter zamanaýı lazer qondyrǵysymen salynady.
Otandyq naryqta 2012 jyldan beri jumys istep, «TEKMETAL» brendimen tanymal bolǵan zaýyt bólshekten jappaı óndiriske deıin ártúrli maqsattaǵy metall ónimderin serııalyq óndirýge mamandanǵan.
«On jyldan asqan jumys barysynda zaýyt túrli metall buıymdaryn óndirýde úlken tájirıbe jınaqtady. Búginde zaýyt ártúrli salada turaqty eńbek etetin 100-den asa adamnyń qolaıly ortasyna, ortaq «úıine» aınaldy deýge bolady. Metall konstrýksııalaryn dánekerleýshiler men qurastyrýshylardan bastap, konstrýktorlar men ınjenerlerdiń tájirıbesi tolyǵyp, básekege qabiletti ónim óndirýde tabandylyq tanytyp keledi», deıdi «Kaz Tek Invest» zaýytynyń dırektory Nurmuhan Madelıev.
Jumysshylardyń áleýmettik jaǵdaıyn únemi jaqsartý, eńbekti qorǵaý, mamandardyń biliktiligin arttyrý – zaýytty damytýdyń basym baǵyttarynyń biri. Kompanııa seriktesterine ınnovasııalyq tehnologııalardy paıdalana otyryp, zamanaýı jabdyqta jasalǵan joǵary sapaly taýarlardy tıimdi baǵamen usyna otyryp, kóshbasshy bolýǵa umtylady. Sonymen qatar ónim sapasyna kepildik beredi.
Alǵashynda 25 jumysshymen isin bastaǵan kásiporynda jańa sehtar iske qosylyp, ónim kólemi arta túsken. О́ndiris úderisi qalypty jolǵa qoıylyp, turaqty damydy. Zaýyttyń tehnıkalyq jaraqtandyrylýyna jyl saıyn shamamen 500 mln teńge kóleminde ınvestısııa salynǵan. Byltyrdan beri orta eseppen aıyna 200 myń birlik ónim shyǵaryp jatyr. Zaýyt ónimderi el ishinde satylady jáne shetelge de eksporttalady. Qyrǵyzstan, Tájikstan, О́zbekstan men Shvesarııaǵa jóneltilip, sondaı-aq Parsy shyǵanaǵy men Latyn Amerıkasynan tapsyrys qabyldaıdy. Osy elderde fılıaldary da jumys isteıdi.
«О́nim shyǵarýda bir arnaǵa túsken kásiporynnyń keńeıýine álemdi jaılaǵan indettiń keri áseri tımeı qoımady. Tapsyrys kólemi kemip, jumysshylar sany da anaǵurlym azaıdy. Dese de, izdenispen eńbek etetin zaýyt ujymy ýaqyt kóshinen qalmaı, jańashyldyqqa beıimdelip, zaman talabyna saı buıymdar shyǵarýǵa talpynyp keledi. Bul baǵytta jumysty jandandyryp, jańa tehnologııalar engizip, óndiris kólemin óristetýge nıettimiz», deıdi Nurmuhan Madelıev.
Jaryq shamdaryn shyǵarýda kósh basynan kórinetin zaýyt «Jaıly mektep» baǵdarlamasy aıasynda salynyp jatqan ǵımarattardyń aýlasyn jaryqtandyrýǵa, ozyq úlgidegi qorshaýlaryn jasaýǵa belsene qatysyp keledi. Budan bólek, qarǵyn sý basqan Qulsary men Atyraý qalalaryna zamanaýı úlgidegi aıaldama men jaıly oryndyq, sonymen qatar qoqys jáshikterin jasap bermek.
Iske qosylǵaly elektr shamdarynyń 30 myńnan astam túrin jasaǵan zaýyt ónimderi biregeıligimen erekshelenedi. Oǵan shamdardyń basym bóliginiń arnaıy tapsyryspen, birin-biri qaıtalamaıtyndaı etip jasalatyny sebep. Sáni men saltanaty kelisken biregeı turmystyq buıymdar Germanııa, Japonııa, Qytaı, Taıvan, AQSh-tan alynǵan ozyq stanoktar kómegimen jasalady. Qoldanysqa kerek shıkizattyń 80-85 paıyzy otandyq ónim sanalady. Metall Temirtaý men Qaraǵandy, Taldyqorǵan qalalarynan alynsa, qalǵan 15 paıyzy Qytaı elinen elektrondyq bólshek kúıinde keledi. Zaýytta jasalǵan ónimder zerthanalyq tekseristen ótkizilip, sapasyna kepildik beriledi.
О́ndiris ornynda osy kúni 110 adam turaqty eńbek etedi. Jumyskerlerge tolyqqandy jaǵdaı jasalǵan. Zaýyt irgesinde alystan kelgen jumysshylar úshin 50 oryndyq jataqhana da salynǵan.
«Aýylymyzda osyndaı zaýyttyń baryna qýanamyz. Sebebi turǵyndardyń deni osy jerde eńbek etip, otbasyn asyrap otyr. Aılyǵymyz ýaqtyly beriledi. Biz eńbek etkeli de on shaqty jylǵa jýyqtady», deıdi Qasymbek aýylynyń turǵyny Jadyra Qarshybaeva.
Montaj bóliminiń brıgadıri Aıǵanym Sultanova 3 brıgada boıynsha 35 adam jumys isteıtinin alǵa tartty. Olardyń basym bóligi – sham quraýdyń sheberi atanǵan áıelder.
Otandyq ónim óndirýde ózindik orny bar zaýyt ónimderi túrli deńgeıdegi kórmelerge qatysyp, júldeli oryndarǵa ıe bolyp júr. Bıyl ınvestısııa kólemi 10 mln dollardy quraǵan. Osy oraıda Jambyl aýdanynyń bıýdjet qoryn tolyqtyryp, salyq tólep otyrǵan zaýyt ónimderine atalǵan aýdannan tapsyrys túspeıtini, ıaǵnı sapaly ári kepildigi bar otandyq ónimniń jergilikti taraptan qoldaý kórmeı otyrǵany qynjyltpaı qoımaıdy.
Almaty oblysy