ORAL. 17 maýsym. BatysQazaqstandaǵy «Qarashyǵanaq» ken ornynyń sanıtarlyq qorǵaý aımaǵyn ulǵaıtý jónindegi sharalar belgilendi. Qazaqstannyń bas memlekettik sanıtarlyq dárigeri Jandarbek Bekshın osyndaı mazmundaǵy qujatqa qol qoıdy. Onyń naqty is-qımyl jasaý ýaqyty 2018 jyldyń 1 qańtaryna sáıkes keledi. Bul týraly egemen.kz tilshisi habarlady.
Sanıtarlyq qorǵaý aımaǵynyń ósýi №2 gazdy keshendi túrde óndeý ortalyǵynyń qýatyn jańǵyrtý qajettiliginen týyndady. Bul jónindegi Úkimet Qaýlysy sál keıin qabyldanady dep kútilýde. Jańa aımaq iske qosylǵan kezge deıin osy mańaıdaǵy Bestaý jáne Berezovka aýyldaryn kóshirý kózdelgen. Onyń ýaqyty aldaǵy 2017 jyldyń jeltoqsan aıyna josparlanǵan. Bul jóninde Bórli aýdany ákiminiń orynbasary Qaırat О́tegenov: «Atalǵan aýyl turǵyndarymen erterek kezdesip, bir uıǵarymǵa kelýdi oılastyryp otyrmyz. О́ıtkeni, biz úshin olardyń usynystaryn bilý óte mańyzdy. Aldaǵy kóshi-qon jaıynyń barlyq máseleleri osy kezdesýde ortaǵa salynady», – dedi.
Osy arada 2015 jyldyń 8 mamyry kúni Premer-Mınıstrdiń orynbasary Berdibek Saparbaev Batys Qazaqstan oblysynyń Berezovka aýylynda qalyptasqan kúrdeli jaǵdaıǵa qatysty májilis ótkizgenin aıta ketken jón. Onda vıse-premer «Qarashyǵanaq» ken ornynyń sanıtarlyq qorǵaý aımaǵyn ulǵaıtý qajettigin, soǵan saı aýyl turǵyndary kóshirilýi kerektigin atap kórsetti.
Temir Qusaıyn.
Derek: egemen.kz.
Sýret: khabar.kz.