Stepnogorsk qalasynyń memlekettik aktıvter jáne satyp alý bólimi «Memlekettik satyp alý týraly» Zańnyń talaptaryn buza otyryp, 84,8 mln teńge somasyna jyly aıaldamalardy daıyndaý jáne ornatý jumystaryna ashyq konkýrs ótkizýdi kózdegeni anyqtaldy, dep habarlaıdy Egemen.kz.
Bas prokýratýranyń habarlaýynsha, jumystardy jasaý jerin kórsetpeý, eskızdi bekitpeý, sondaı-aq baǵany belgileıtin qujattamalyq negizdemesiz usyný (smetalyq qujattamanyń bolmaýy) buzýshylyqtary anyqtaǵan.
«Qadaǵalaý aktisi boıynsha konkýrstyń kúshi joıyldy, bıýdjet qarajaty basqa da áleýmettik mańyzy bar jobalardy iske asyrýǵa baǵyttaldy, sol arqyly bıýdjet qarajatynyń negizsiz jumsalýyna jol berilmedi», delingen habarlamada.
Oryn alǵan buzýshylyq úshin laýazymdy tulǵa tártiptik jaýapkershilikke tartylǵan.