18 jeltoqsan kúni elordada 30-dan astam shyrshanyń shamy bir mezette jaǵyldy. Tańǵajaıyp sátti qalanyń 15 myńǵa jýyq turǵyny tamashalady, dep jazady Egemen.kz.
Bas qaladaǵy eń bıik shyrsha - 25 metr. Mundaı shyrshalar «Astana Arena» alańy men «Qazaq eli» monýmenti mańynda boı tiktedi.
Barlyq shyrsha mańynda jańa jyldyq fotoaımaqtar, arhıtektýralyq nysandar, muz aıdyny men syrǵanaqtar jasaqtalǵan.
Shyrsha shamyn saltanatty jaǵý rásiminde kelýshilerge arnap Qaırat Baekenov, Rınat Malsagov, AYREE, balalar hory men bı ujymdary óner kórsetti.
Nura aýdanyndaǵy segiz aımaqta shyrsha shamy jaǵyldy. Bezendirilgen shyrshalar ortalyq saıabaqta, «Zelenyı kvartal» TK skverinde, Úrker turǵyn alabyndaǵy Aıǵyrjal skverinde, «Saryarqa», «Kerýen Sıtı», «Azııa park», «Han Shatyr» jáne «Aıland» saýda-oıyn-saýyq ortalyqtarynyń janynda jáne Syǵanaq pen Sh.Aıtmatov kósheleriniń qıylysynda ornalasqan.
Saraıshyq aýdanyndaǵy Qazaq eli alańynda shyrsha shamyn jaǵý kezinde qala turǵyndary úshin merekelik baǵdarlama, túrli oıyndar uıymdastyryldy. Munda 2 muz aıdyny, eki sáýlesi bar syrǵanaq, bıiktigi 25 metrlik shyrsha, shaǵyn arhıtektýralyq nysandar men jaryq-lıýmınasııalyq pano bar.
Sondaı-aq Saraıshyq aýdanyndaǵy «Nurly Jol» temirjol vokzaly mańynda jańa jyldyq shyrsha shamy jaǵyldy.
Almaty aýdanynda jańa jyldyq shyrshalar shamy Táýelsizdik dańǵylyndaǵy Oqýshylar saraıynyń aýmaǵynda, «Sana Sport» Sport kesheniniń aýmaǵynda, Rysqulbekov kóshesindegi «Alma» saıabaǵynda, Astana Music Hall (qumyra) mańynda jáne Qoshqarbaev dańǵyly, 80/1 mekenjaıynda jaǵyldy.
Esil aýdanynda, EKSPO aýmaǵynda 23 metrlik shyrsha da jarqyrap tur. Shyrsha 4000-nan astam oıynshyqpen bezendirilgen, olardyń ishinde dıametri 15-ten 40 sm-ge deıingi sharlar, gırlıandalar jáne t.b. bar. Alańda syrǵanaqtar men muz aıdyny jasaqtalǵan. Elorda turǵyndary men qonaqtary shaǵyn arhıtektýralyq nysandardyń fonynda ertegi keıipkerleriniń janynda sýretke túse alady.
Baıqońyr aýdanynda jańa jyldyq shyrshalar myna oryndarda bezendirildi: Jastar saraıynyń aýmaǵy, K.Atatúrik atyndaǵy saıabaq, J.Táshenov kóshesinde, О́ndiris turǵyn alabynda (Aqbıdaı men Kemengeruly kósheleriniń qıylysy) jáne Kırpıchnyı turǵyn alabynda (Chehoev jáne Jolymbet kósheleriniń qıylysy), «Qoıandy» saıajaı alaby. Sonymen qatar, aýdanda Kenshiler, 5 jáne Dosmuhameduly, 6 mekenjaılary boıynsha bes metrlik eki shyrsha ornatyldy.
Saryarqa aýdanynda ártúrli bıiktiktegi 3-ten 18 metrge deıingi alty shyrshanyń shamy jarqyrap tur. Olar myna mekenjaılarda ornatylǵan: qalalyq alań, Bógenbaı batyr dańǵyly, 43 mekenjaıyndaǵy skver, «Kóktal» saıabaǵy, Esil ózeniniń jaǵasy jáne Iýbıleınaıa kóshesi, 22.