Báıgede baǵy janǵandar

Jıynda aımaq basshysy Marat Sul­tanǵazıev elimizde ulttyq sport túrleri qarqyndy damyp kele jatqanyn atap ótti. «Prezıdent Qasym-Jomart Toqaev ulttyq sport túrlerin belsendi damytý qajettigin únemi aıtyp keledi. О́ńirde bul baǵyttaǵy jumystar joǵary deńgeıde júrgizilip jatyr. Aıtalyq, bıyldyń ózinde oblysymyzda birneshe iri res­pýblıkalyq báıge jarys ótti. Sonyń ishinde «Qymyzmuryndyq – 2024» festıvali aıasynda Kegen aýdanynda uıymdastyrylǵan «Jolan júırigi», Raıymbek aýdanynda Berdibek Soqpaqbaevtyń 100 jyldyǵyna arnalǵan res­pýb­lıkalyq start, Jambyl obly­syndaǵy 100 shaqyrymdyq ma­rafon-báıgeleriniń bási erekshe boldy. Bıylǵy eń aıtýly oqıǵalarynyń biri – V Dúnıejúzilik kóshpeliler oıyn­dary. Onda elimizdiń qurama ko­mandasynyń sapynda Almaty oblysynyń 9 sportshysy óner kórsetip, 2 altyn, 1 kúmis, 1 qola medaldi ıelendi. Bul – úlken jetistik. Atqa miný – ata-babamyzdan qalǵan óner. Bir qýanarlyǵy, qazirgi tańda jastarymyzdyń arasynda jylqy ósirýmen, baptaýmen aınalysatyndar qatary kóbeıip keledi», dedi oblys ákimi Marat Eleýsizuly.

Saltanatty jıynda 10 sportshy men jattyqtyrýshy Almaty oblysy ákiminiń Qurmet gramotasymen marapattaldy. Olardyń qatarynda Astana qalasynda ótken V Dúnıejúzilik kóshpeliler oıyndarynyń jeńimpazdary, Almaty oblysynyń jas shabandozdary Ańsar Arystanbek pen Serjan Baqtybaı bar.

«At sportymen aınalys­qanyma 9 jyl boldy. Máre sy­zyǵynan birinshi bolyp ótý sha­bandozǵa baılanysty, ol taqy­myndaǵy tulpardyń jaı-kúıin sezinýi kerek. Úlken báıgelerde jeńiske jetý – jattyqqan tul­par men bilikti shabandozdyń ortaq eńbegi», deıdi at sporty sheberligine kandıdat Ańsar Arystanbek.

17 jastaǵy Aldııar Ýaıshan da erekshe qurmetke ıe boldy. Qarasaı aýdanynda D.Qonaevty eske alýǵa arnalǵan dúbirli báı­­­gege qatysýshylardyń biri er­toqymǵa ilinip qalǵanda Aldııar jedel qımyldap, qaterdiń aldyn alyp, erlik kórsetken.

Is-shara barysynda at qula­ǵynda oınaǵan birqatar sportshy ob­lystyq dene shynyqtyrý jáne sport basqarmasynyń Alǵys hatymen marapattaldy. Olardyń arasynda sport ardagerleri, úzdik jattyqtyrýshylar men sportshylar, bilim, sport uıymdarynyń belsendi qyzmetkerleri bar. Sal­tanatty bólimnen keıin shaǵyn merekelik konsert uıymdas­tyryldy.

Almaty oblysy