Astanada qyzmette úzdik nátıje kórsetken Qarýly kúshterdegi jaýyngerlik jarys jeńimpazdary Qorǵanys mınıstri general-polkovnık Rýslan Jaqsylyqovtyń qolynan marapatqa ıe boldy.
Jyl saıynǵy «Ásker tarlany» baıqaýy áskerı qyzmetshilerdiń sheberligin jetildirýge, jaýyngerlik tájirıbeni taratýǵa jáne armııanyń ımıdjin arttyrýǵa baǵyttalǵan. Marapattaý rásiminde general-polkovnık Rýslan Jaqsylyqov Qarýly kúshter úshin 2024 jyl kóptegen mańyzdy oqıǵamen erekshelengenin málimdedi. Olardyń qatarynda mınıstr BUU-nyń bitimgerlik mıssııasyn óz betinshe ornalastyrýǵa jáne oryndaýǵa mandat alýyn, sondaı-aq áskerı qyzmetshilerdiń kóktemgi sý tasqynyna qarsy kúreske qatysýyn atap ótti.
– Búgin biz dástúrli «Ásker tarlany» baıqaýynyń qorytyndysy boıynsha úzdik mamandardy marapattap otyrmyz. Áskerı sheberlik flagmandaryn baǵalaý kezinde jaýyngerlik jáne memlekettik-quqyqtyq daıyndyq boıynsha aı saıynǵy sabaqtardyń nátıjeleri, baqylaý jáne qorytyndy tekserýlerdiń qorytyndylary, oqý-jattyǵýlarǵa, túrli konkýrstarǵa qatysý, áskerı tártip jáne moraldyq-iskerlik qasıetteri eskerildi, – dedi Qorǵanys mınıstri.
Jarys qorytyndysy boıynsha Desanttyq-shabýyldaý áskerleri komandalyq pýnktiniń qyzmet bastyǵy podpolkovnık Nurjan Qulmanjanov «Úzdik jedel kezekshi» atandy. Atalǵan ofıser júktelgen tapsyrmalardy oryndaýǵa jaýaptylyǵymen óz isiniń úzdigi dep tanylyp otyr.
27943 áskerı bólimi barlaý rotasynyń bólimshe komandıri serjant Rýslan Maqsut «Jaýyngerlik mashınanyń úzdik komandıri» atandy. Ol basqarǵan ekıpaj «Aıbalta-2024», «Dostarym-2023» oqý-jattyǵýlarynda úılesimdi ári nátıjeli qımyl jasaı aldy.
Al «Artıllerııalyq eseptoptyń úzdik komandıri» ataǵyna 28738 áskerı bóliminiń áskerı qyzmetshisi aǵa serjant Erkebulan Tileýken ıe boldy. Ol basqarǵan áskerı bólimshe atys kezinde árqashan joǵary nátıjelerge qol jetkizip keledi.
31775 áskerı bólimi jaıaý ásker jaýyngerlik mashınasynyń mehanıgi serjant Dıdar Mýsın «Temir tulpar júrgizýshi» atalymy boıynsha jeńimpaz atandy. Eki jaqty shtabtyq oqý-jattyǵýda ol jaýyngerlik mashınany minsiz ustaǵany jáne motoatqyshtar batalonynyń quramynda tapsyrmalardy saýatty oryndaǵany úshin erekshe atap ótildi.
Respýblıkalyq jáne halyqaralyq oqý-jattyǵýlarda erekshelengen 44736 áskerı bóliminiń aǵa barlaýshy-atqyshy efreıtor Erasyl Tileýhanov «Mergen» atalymyn ıelendi.
50185 áskerı bólimi avıasııalyq býynynyń ushqysh-shtýrmany leıtenant Nurbolat Moldabek jaýyngerlik daıyndyqtaǵy úzdik kórsetkishteri úshin «Kók qyrany» atalymynyń ıegeri boldy. Jas ushqyshtar arasynda ekıpaj komandıri N.Moldabek birinshi bolyp Sý-30 SM ushaǵyn óz betinshe basqarý quqyǵyna ıe bolǵan.
Elimizdiń áýe shebin qorǵaýdy uıymdastyrýda joǵary kórsetkishterge qol jetkizgen 31767 áskerı bólimi komandıriniń orynbasary maıor Evgenıı Spıjarskıı «Aspan qorǵany» ataǵynyń jeńimpazy atandy.
Armııa halyqaralyq oıyndarynyń «Teńiz kýbogi» konkýrsyna jáne «Birlestik-2024» halyqaralyq jedel-taktıkalyq komandalyq-shtabtyq oqý-jattyǵýyna belsendi qatysqany úshin 21814 áskerı bólimi «Oral» zymyran-artıllerııalyq kemesiniń komandıri III dárejeli kapıtan Shahrýh Abdýrazakov «Teńiz tarlany» atalymynyń jeńimpazy dep tanyldy.
22750 áskerı bóliminiń qarý-jaraq jónindegi mamany aǵa leıtenant Aqjol Moldaqash «Jaýjúrek» atalymynyń jeńimpazy atandy. Qorǵanys mınıstrligi komandasynyń quramynda ol 100 Sarbaz áskerı-patrıottyq realıtı-jobasynda birinshi orynǵa ıe boldy, onda ol tek kúsh-qýat jaǵynan ǵana emes, sonymen qatar rýhtyń kúshin de kórsete bildi.
Úzdikter qatarynda jóndeý sehynyń tehnıgi 3-synypty serjant Eraly Áınekbaev, gospıtal medbıkesi 2-synypty serjant Aımıra Shalabaeva, áskerı-sport kesheniniń kópsaıys jáne áskerı úshsaıys boıynsha Qarýly kúshter spartakıadasynyń chempıony aǵa serjant Asylbek Qarabaı, Bitimgerlik operasııalar ortalyǵynyń nusqaýshysy 2-synypty serjant Dinmuhamed Baıdýllaev, Qasym Qaısenov atyndaǵy mehanıkalandyrylǵan brıgada komandıriniń tárbıe jáne ıdeologııalyq jumystar jónindegi orynbasary podpolkovnık Azamat Jumaǵazıev bar.
Jarys jeńimpazdarynyń sapynda Qarasaı batyr atyndaǵy oqý ortalyǵynyń vzvod komandıri 2-synypty serjant Marat Toǵyzbaev «Úlgili otbasy» atalymyn ıelendi. Erli-zaıyptylar búginde úsh qyz, bir ul tárbıelep otyr.
Áskerı jarystyń jeńimpazdary qatarynda 3-synypty serjant Darhan Aslan, oqytýshy polkovnık Kırıll Lojkın, baılanysshy serjant Almaz Táshkenbaev, saper-maman kishi serjant Muhamedııar Bótenbaev, áskerı polısııa maıory Erjan Dıhanbaev, barlaý bólimshesiniń komandıri 3-synypty serjant Dýman Qojanov, zańger ádilet polkovnıgi Vıacheslav Krasnov, aǵa leıtenant Jeńisbek Danebekov jáne podpolkovnık Nazar Bozabaevtar da bar.