Elordada tolassyz jaýǵan qalyń qardan kommýnaldyq qyzmetter táýlik boıy kúsheıtilgen rejımde jumys istep jatyr, dep habarlaıdy Egemen.kz.
22 jeltoqsan kúni kommýnaldyq qyzmetter elordadan 42 myń tekshe metrden astam qardy 3 033 reıspen alyp shyqty.
Sol sııaqty búgin qar kúreý jumysyna 2 603 jol jumysshy men 1 595 arnaıy tehnıka jumyldyryldy.
Qys mezgiliniń basynan bastap polıgondarǵa qaladan 105 695 reıs arqyly 1 mln 336 myń tekshe metrden astam qar shyǵaryldy.
Eń aldymen, erejege sáıkes, joldarda keptelis bolmas úshin qozǵalysy óte qarqyndy oryndar tazartylady. Sondaı-aq, qarqyndylyǵy ortasha ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. tazartylady.
Ortalyq kóshelerdi, jolaýshylar kóligi marshrýttary júretin oryndardy, aıaldamalar men trotýarlarda tazalaý da basymdyqqa ıe.
Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan.
Qala turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlarǵa shyqpaýdy suraımyz.