Brazılııanyń Gramado qalasynda shaǵyn ushaq apatqa ushyrap, saldarynan borttaǵy 10 adamnyń barlyǵy qaza taýyp, taǵy onnan astam adam dene jaraqattaryn alǵan, dep habarlaıdy Egemen.kz CNN arnasyna silteme jasap.
Ulttyq azamattyq qorǵanystyń habarlaýynsha, apat ushaq áýege kóterilgennen keıin birneshe mınýt ótken soń bolǵan. Ushaq aldymen ǵımarattyń murjasyna, keıin úıge, sońynda jıhaz dúkenine soqtyǵysqan.
Rıo-Grandı-dý-Sýl shtatynyń azamattyq qorǵanysynyń málimetinshe, kem degende 17 adam zardap shekken. Olardyń kópshiligi tútindi jutyp, aýrýhanaǵa jatqyzylǵan.
Rıo-Grande-dý-Sýl gýbernatory Edýardo Leıte ushaq bortyndaǵy 10 adamnyń barlyǵy qaza tapqanyn málimdegen. Memlekettik azamattyq qorǵanystyń habarlaýynsha, qaza tapqandardyń barlyǵy bir otbasynyń músheleri bolǵan.
Jergilikti bılik qaıǵyly oqıǵanyń sebepterin anyqtap jatyr.