Bıyl Kids Go Free memlekettik baǵdarlamasy aıasynda el ishinde 2172 bala tegin saıahattaǵan. Týroperatorlar balalar áýe bıletiniń qunyn qospaǵanda, 415,6 mıllıon teńgege týr satqan. Memleket tarapynan 114,5 mıllıon teńge kólemindegi áýe bıletiniń qunyn ótegen, dep jazady Egemen.kz.
Ishki týrızmdi damytýǵa baǵyttalǵan bul baǵdarlama otbasylyq saıahattyń damýyna da serpin berip otyr.
Kids Go Free aıasynda otbasylar Alakól jaǵalaýyndaǵy demalysty kóbirek tańdaǵan. О́tken jylmen salystyrǵanda bıyl Alakólge satylǵan týrlar sany 20%-ǵa ósken. Iаǵnı, bıyl 700-den astam bala Alakólge tegin saıahattaǵan.
Keıingi satyǵa Almaty men Almaty oblysynyń mańyndaǵy aımaqtar ornalasqan. Bıyl 330-dan astam otbasy Almaty men Almaty oblysyna saıahattaǵan.
Shýche-Býrabaı kýrorttyq aımaǵy men Astana qalasy da Kids Go Free baǵdarlamasynyń eń tanymal baǵyttarynyń biri sanalady. Munda jazǵy, qysqy demalysqa da suranys joǵary bolǵan.