Aqtaý qalasy áýejaıynyń mańynda bolǵan Az Airlines áýe kompanııasynyń Embraer 190 ushaǵynyń apatqa ushyraý sebepterin tekserý maqsatynda Úkimettik komıssııa quryldy. Tıisti qaýlyǵa Premer-mınıstr Oljas Bektenov qol qoıdy, dep habarlaıdy Egemen.kz.
Komıssııa quramyna Premer-mınıstrdiń orynbasary, Mańǵystaý oblysynyń ákimi, Tótenshe jaǵdaılar, Kólik, Syrtqy ister, Ishki ister, Eńbek jáne halyqty áleýmettik qorǵaý, Densaýlyq saqtaý mınıstrlikteriniń basshylyǵy, Bas kólik prokýrory kirdi.
Komıssııaǵa oqıǵa ornyna dereý ushyp baryp, ushaqtyń apatqa ushyraý sebepterin jan-jaqty tekserýdi qamtamasyz etý, qaza tapqandardyń otbasylaryna jáne zardap shekkenderge alǵashqy kómek kórsetý sharalaryn qabyldaý tapsyryldy.
Qazaqstan Úkimeti Ázerbaıjan bıligimen birlesip, bolǵan oqıǵanyń sebepterin jan-jaqty tergeý jáne alǵashqy kómek kórsetý boıynsha jumys istep jatyr.