Qarasha aıynda Qaraǵandy oblysynyń Buqar jyraý aýdanyna qarasty Botaqara aýylynda 620 bala oqıtyn Iý.Gagarın atyndaǵy mektep zamanaýı fızıka zerthanasymen jabdyqtaldy, dep jazady Egemen.kz.
Zerthanaǵa qajetti jabdyqtar (baqylaý-ólsheý quraldary, zerthanalyq shyny ydystar, t.b.) oblystyq bıýdjet esebinen satyp alyndy.
Fızıka pánin oqýǵa zamanaýı jaǵdaı jasaý maqsatynda iske asyrylǵan joba atalǵan pánnen oqýshylardyń bilimderin tereńdetýge múmkindik beredi.
Aıta ketsek, byltyrǵy oqý jylynda mektepte zamanaýı STEM-zerthana paıda bolyp, bıologııa kabıneti jabdyqtalǵan eken.
Sondaı-aq, bıyl barlyq partalar men oryndyqtar tolyǵymen jańartylyp, bastaýysh synyptarǵa jeke shkaftar satyp alyndy. Oqý jyly bastalmas buryn mektepte kúrdeli jóndeý júrgizildi.
«Biz balalarymyzdyń bilim sapasy jaǵynan qala oqýshylarynan kem túspeýin qalaımyz. Jóndeýge, jańa jıhazǵa, jabdyqqa salynǵan ınvestısııalar oqý prosesiniń sapasyn arttyrýǵa yqpal etetini sózsiz», deıdi atalǵan mekteptiń dırektory Saǵynysh Tóleýhanova.
О́ńir mektepterin zamanaýı jabdyqtarmen jáne jıhazben qamtamasyz etý – júıeli jumys. Oblystyń bilim basqarmasynyń málimetinshe, hımııa, bıologııa, fızıka, robototehnıka jáne STEM-zerthanalardy jabdyqtaýǵa arnalǵan jıyntyqtar jyl saıyn satyp alynady.