PETROPAVL. 1 mamyr. Oblystyq muraǵat Jeńistiń 70 jyldyǵy qarsańynda «Soltústikqazaqstandyq Keńes Odaǵynyń batyrlary» atty jınaqty oqyrmandarǵa usyndy. Bul týraly egemen.kz tilshisi habarlady.
Kitaptyń tanystyrylymynda sóılegen sózinde oblys ákiminiń orynbasary Anarhan Dúısenova keshegi qyrǵyn shaıqastardaǵy bozdaqtardyń erlikterin tatýlyqta, birlikte ómir súrip jatqan qazaqstandyqtar eshqashan umytpaıtynyn, otanshyldyqtyń óshpes belgisi retinde baǵalaıtynyn jetkizdi.
«Muraǵattyq qujattarǵa negizdelgen basylymǵa 55 Keńes Odaǵynyń Batyrlary men jáne 11 Dańq ordeniniń tolyq ıegerleri engen. Materıaldar Reseı, Belarýs, respýblıkalyq, oblystyq muraǵattardan jınaldy. Ár jerlesimizdiń marapat paraqshalary, maıdannan jazylǵan hattar, maqalalar, estelikter toptastyrylǵan. Stýdent-jastar úshin óte paıdaly qural bolary anyq», - deıdi oblystyq muraǵattyń dırektory Sáýle Málikova.
Jınaq qazaq jáne orys tilderinde jaryq kórdi.
О́mir Esqalı.
Derek, sýret: Soltústik Qazaqstan oblystyq muraǵaty.