2015 jylǵy 30 naýryz, Astana qalasy
Eńbekke ýaqytsha jaramsyzdyǵy boıynsha áleýmettik járdemaqyny taǵaıyndaý jáne tóleý qaǵıdalaryn bekitý týraly
2007 jylǵy 15 mamyrdaǵy Qazaqstan Respýblıkasy Eńbek kodeksiniń 16-babynyń 36) tarmaqshasyna jáne 159-babynyń 4-tarmaǵyna sáıkes buıyramyn:
1. Qosa berilip otyrǵan Eńbekke ýaqytsha jaramsyzdyǵy boıynsha áleýmettik járdemaqyny taǵaıyndaý jáne tóleý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Densaýlyq saqtaý jáne áleýmettik damý mınıstrliginiń jaýapty hatshysy A.D. Qurmanǵalıevaǵa júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr T.DÚISENOVA.
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 30 naýryzdaǵy № 176 buıryǵymen bekitilgen
Eńbekke ýaqytsha jaramsyzdyǵy boıynsha áleýmettik járdemaqyny
taǵaıyndaý jáne tóleý qaǵıdalary
1. Osy Eńbekke ýaqytsha jaramsyzdyǵy boıynsha áleýmettik járdemaqyny taǵaıyndaý jáne tóleý qaǵıdalary (budan ári – Qaǵıdalar) Qazaqstan Respýblıkasy Eńbek kodeksiniń (budan ári – Kodeks) 159-babyna sáıkes ázirlendi jáne jumys berýshiniń qarajaty esebinen eńbekke ýaqytsha jaramsyzdyǵy boıynsha áleýmettik járdemaqy (budan ári – járdemaqy) taǵaıyndaýdyń jáne tóleýdiń tártibin aıqyndaıdy.
2. «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy Kodeksiniń 59-babynyń 2-tarmaǵyna sáıkes Eńbekke ýaqytsha jaramsyzdyqqa saraptama júrgizý, eńbekke ýaqytsha jaramsyzdyq paraǵyn jáne anyqtamasyn berý qaǵıdalaryna sáıkes beriletin eńbekke ýaqytsha jaramsyzdyq paraǵy, al ol joǵalǵan kezde – telnusqasy járdemaqyny taǵaıyndaý jáne tóleý úshin negizdeme bolyp tabylady.
3. Qyzmetkerdiń eńbekke ýaqytsha jaramsyzdyǵy eńbek jaraqaty nemese kásiptik aýrýy saldarynan týyndaǵan kezde járdemaqy «О́ndiristegi jazataıym oqıǵalarǵa baılanysty qujattardyń nysandaryn bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2009 jylǵy 3 naýryzdaǵy № 74-ó buıryǵymen (Normatıvtik quqyqtyq aktilerdi memlekettik tirkeý tiziliminde № 5614 bolyp tirkelgen) bekitilgen nysan boıynsha óndiristegi jazataıym oqıǵa týraly akti bolǵan kezde taǵaıyndalady.
4. Járdemaqy eńbekke ýaqytsha jaramsyzdyq paraǵynda belgilengen merzimge jumys isteıtin orny boıynsha tólenedi.
Eger adam birneshe jumys berýshide jumys isteıtin bolsa, járdemaqy árbir jumys orny boıynsha taǵaıyndalady jáne tólenedi.
5. Kodekstiń 177-babyna sáıkes eńbek sharty buǵan zańdy negizsiz toqtatylǵannan keıin qyzmetkerdi jumysqa qaıta alǵan jaǵdaıda, járdemaqy alýǵa quqyǵy paıda bolǵan birinshi kúninen bastap járdemaqy tólenedi.
6. Kodekstiń 50-babynyń 3-tarmaǵyna sáıkes qyzmetker jumystan shettetilgen kezeńde eńbekke ýaqytsha jaramsyzdyq týyndaǵan kezde járdemaqy tólenbeıdi. Eger eńbekke ýaqytsha jaramsyzdyq jumysqa jiberilgennen keıin de jalǵasatyn bolsa, járdemaqy qyzmetker jumysqa jiberilgen kúninen bastap tólenedi.
7. Járdemaqy:
1) zańdy kúshine engen sot úkimimen kináli ekendigi anyqtalǵan jaǵdaıda, óziniń qylmystyq quqyq buzýshylyq jasaý kezinde alǵan jaraqattarynyń saldarynan eńbekke ýaqytsha jaramsyzdyq týyndaǵan qyzmetkerge;
2) sottyń uıǵarymy boıynsha qyzmetkerdi májbúrlep emdegen (psıhıkalyq aýrýlardan basqa) ýaqyt úshin;
3) zańdy kúshine engen sot úkimimen nemese qaýlysymen qyzmetkerdiń kináli ekeni anyqtalǵan jaǵdaıda, ol qamaýda bolǵan ýaqyt úshin jáne sot-medısınalyq saraptama jasalǵan ýaqyt úshin;
4) qyzmetkerdiń ishimdik, esirtki jáne ýytty zattardy paıdalanýy saldarynan týyndaǵan aýrýlarǵa nemese jaraqattarǵa baılanysty eńbekke ýaqytsha jaramsyzdyǵy kezinde;
5) jyl saıynǵy aqyly eńbek demalysymen sáıkes keletin ýaqytsha eńbekke jaramsyz kúnder úshin tólenbeıdi.
Eger eńbekke jaramsyzdyq demalys aıaqtalǵannan keıin de jalǵasatyn bolsa, onda járdemaqy qyzmetker jumysqa kirisken kúninen bastap beriledi.
Negizgi jumys ornyndaǵy jalaqysy tolyq nemese ishinara saqtala otyryp, basqa uıymǵa jumys isteýge jiberilgen, maýsymdyq jumys isteıtin qyzmetkerlerge, úı qyzmetkerlerine jáne úıde jumys isteıtin qyzmetkerlerge, kadrlardy daıarlaý, qaıta daıarlaý jáne olardyń biliktiligin arttyrý kýrstarynyń tyńdaýshylaryna, eger olardy kýrsqa jumys berýshi jibergen jáne oqý kezeńinde olardyń jalaqysy saqtalǵan bolsa, osy kezeńde bolatyn járdemaqy olardyń jumys orny boıynsha tólenedi.
Qyzmetkerdi protezdik-ortopedııalyq uıymnyń stasıonaryna jatqyzǵan kezde járdemaqy stasıonarda bolǵan barlyq ýaqytyna jáne stasıonarǵa barýǵa jáne keri qaıtýǵa ketken ýaqytyna da tólenedi.
Qyzmetker eńbekke ýaqytsha jaramsyzdyq paraǵyn jumys berýshige eńbekke ýaqytsha jaramsyzdyq paraǵynda belgilengen jumysqa shyǵatyn kúni ne ol aıaqtalǵanǵa deıin usynady.
Járdemaqy tóleý úshin usynylǵan eńbekke ýaqytsha jaramsyzdyq paraqtary jumys berýshiniń býhgalterııasynda saqtalady.
Járdemaqy Qazaqstan Respýblıkasynyń eńbek zańnamasynda jalaqy tóleý úshin belgilengen merzimderde tólenedi.
Qyzmetkerdiń ótinishi boıynsha járdemaqy onyń banktik shotyna aýdarylady ne járdemaqyny alýǵa tıisti senimhatty usynǵan senimdi adamǵa nemese Qazaqstan Respýblıkasynyń zańnamasynda belgilengen tártippen zańdy ókiline beriledi.
Buıryq Qazaqstan Respýblıkasynyń Ádilet mınıstrliginde 2015 jylǵy 27 sáýirdegi Normatıvtik quqyqtyq kesimderdi memlekettik tirkeýdiń tizilimine № 10810 bolyp engizildi.