Jigeri kúshti jas býyn

Áıelder synynda Parıj Olım­pıadasynyń qo­­la júl­degeri Na­zym Qyzaıbaı 48 kg salmaqta úzdik shyqty. Fınaldyq tartysta qyzylordalyq Aqbota Bolat jaraqatyna baılanysty jekpe-jekten bas tartty. 50 kg salmaqta almatylyq Alýa Bal­qybekova top jarsa, 52 kg-da qaraǵandylyq Anıta Adısheva jeńiske jetti. Fınaldyq jekpe-jektiń 1-raýndynda qabaǵy ja­rylǵanyna qaramastan, shym­kenttik qarsylasy Jansaıa Ra­hymberdiden basym tústi. 54 kg salmaqta álem chempıonatynyń úsh dúrkin júldegeri Jaına Shekerbekova (Shymkent qalasy) áli de shaý tartpaǵanyn dáleldedi. Basqa salmaq dárejelerinde chempıon atanǵandar: 57 kg – Karına Ibragımova (Aqmola oblysy), 60 kg – Rımma Volosenko (Astana), 63 kg – Laýra Esenkeldi (Shymkent), 66 kg – Jasmın Qızatova (Qaraǵandy oblysy), 70 kg – Mádına Nurshaeva (Shymkent), 75 kg – Valentına Halzova (Astana), 81 kg – Nadejda Rıabes (Qostanaı), 81kg-nan joǵary – Lázzat Kúngeıbaeva (Astana).

Erler arasyndaǵy báseke de tartysty ótti. 48 kg salmaqta álem chempıony Temir­tas Júsipov (Aqmola oblysy) jeńiske jetti. 51 kg-da Danıal Sábıt (BQO), 54 kg – Tı­mýr Qabdeshov (Aqmola oblysy), 57 kg – Dáý­let Moldashev (Abaı oblysy), 60 kg – Talǵat Syrymbetov (Qaraǵandy oblysy), 63,5 kg – Ertýǵan Zeınýllınov (Almaty oblysy) top jardy. Jastar arasynda álem chempıony atanǵan Tórehan Sabyrhan (Túr­kistan oblysy) eresekter dodasyna alǵash qosylǵanyna qa­ramastan myqtylyǵyn kórsetip, 67 kg salmaqta el chempıony atandy. 71 kg – Sabyrjan Aqqalyqov (BQO), 75 kg – Tımýr Nurseıitov (Astana), 80 kg – Azamat Bektas (Qyzylorda oblysy), 86 kg – Temirlan Muqataev (Astana), 92 kg – Danııar Rahymberdınov (Almaty) jeńiske jetti. Asa aýyr salmaq dárejesinde Túrkistan oblysynyń qos boksshysy, aǵaıyn­dy Nurlan men Danıal Sa­parbaı fınalǵa shyǵyp, inisi jekpe-jekten bas tartyp, Nurlan jeńimpaz atandy.

Jyl jabar dodaǵa erler quramasynyń bas bapkeri Qaı­rat Sátjanov pen áıelder qu­ramasynyń bas bapkeri Eldos Saıdalın Azııa chempıonatynda olja salǵan sańlaqtardy qos­qan joq. Tımýr Qabdeshov, Dáý­let Moldashev, Tórehan Sa­byrhan, Sabyrjan Aqqalyqov, Tımýr Nurseıitov, Temirlan Muqataev, Azamat Bektas, Danııar Rahymberdınov, Anıta Adısheva, Laýra Esenkeldi, Jasmın Qı­zatova alǵash ret el chempıonatynda top jardy.