QOSTANAI. 1 mamyr. Reseıdiń Túmen oblysynyń Iаlýgor qalasynda áıelder arasynda shaǵyn fýtboldan Batys Sibir kýbogy jolyndaǵy jarys ótti. Mundaı úlken týrnırge alǵash qatysqan oblystyń «Qostanaı» komandasy tabyspen oraldy. Bul týraly ng.kz habarlady.
«Qostanaı» komandasy óz tobynda úsh kezdesý ótkizdi. Onyń ekeýin jeńip, bireýinen jeńilip, pleı-off serııasynda ekinshi orynǵa shyqty. Fınalǵa shyǵý úshin «Rýbın» komandasymen tartysty oıyn kórsetti. Olardy 2:1 esebimen jeńdi. Fınalda qostanaılyq qyzdar alań ıeleri «Atlanta» komandasymen kezdesip, 2:1 esebimen utty.
Komanda jattyqtyrýshysy Vıktor ChEChET: «Komanda óte jaqsy oınady. Munyń aldynda Qorǵan qalasynan úshinshi orynmen oralǵan edik», dedi. «Qostanaı» -- óńirdegi birden bir áıelder fýtbol komandasy. Olar kúzde ótetin Reseıdiń birinshi lıgasyna shaqyryldy.
Názıra Járimbetova.
Derek, sýret: ng.kz