Halyq Assambleıasy: 30 jyldyq óris

Birlik, tatýlyq jáne yntymaq – eldigimizdiń myzǵymas tuǵyry hám memleketimizdiń basty qun­dylyǵy. Qazaqstan halqy As­sambleıasy mine, osy ıdeologııa­ny senimmen, júıeli júzege asyryp keledi. Memleket basshysy Qasym-Jomart Toqaev ta byltyr atalǵan uıymnyń «Bir­lik. Jasampazdyq. О́rleý» atty HHHIII sessııasynda barsha hal­qymyzdyń strategııalyq baǵda­rynyń túpki mánin osy úsh uǵym dál ári naqty bildiretinin, el saıasatynyń buljymas baǵdary bolyp qala beretinin aıtty.

«Assambleıa – el birligin is júzinde ornyqtyra túsetin tıimdi qurylym. Búginde bul – konstıtýsııalyq mártebesi bar mańyzdy qoǵamdyq organ. As­sambleıa óte aýqymdy qaıyrym­dylyq sharalaryn der kezinde jáne jedel uıymdas­tyryp keledi. Munyń bári kóp jyldyq júıeli jumystyń nátıjesi ekeni sózsiz.

Assambleıa músheleri «Qaıy­rymdylyq kerýeni» jobasy arqyly muqtaj jandarǵa únemi qoldaý kórsetip júr. Byltyrdyń ózinde quny 1,7 mıllıard teńge­den asatyn kómek berildi. Birligi myqty halyqtyń kúsh-qýaty azamattardyń bir-birine degen osyndaı qamqorlyǵynan aıqyn kórinedi», deı kele Prezıdent sóz arasynda bul qurylym ózin et­nosaralyq kelisim men jalpy­ulttyq birlikti nyǵaıtý jolynda syndarly saıasat júrgize alatyn tıimdi qural retinde tanytqanyn basa atap ótti.

Ásirese kóktemgi sý tasqyny kezindegi Assambleıanyń belsendi ári úılesimdi jumysy ózara janashyr, tileýles bolýdyń mańyzyn aıqyndaı tústi.

– QHA-nyń halyqtyń ártúrli toptaryn qoldaý boıynsha aýqymdy respýblıkalyq aksııalardy uıymdastyrý tájirıbesi bar. Assambleıa músheleri men etnomádenı birlestikterdiń ókil­deri kómek pen qarajat jınaýǵa óz betinshe atsalysty, sý tasqyny aımaqtarynan halyqty habardar etýge jáne evakýa­sııalaýǵa fızıkalyq kó­mek kórsetti. Jalpy, Qazaq­stan halqy Assambleıasy ózin eki jaǵynan kórsetti: birin­shi­den, uıymshyldyq pen ınstı­týsıonaldyq jadynyń joǵary deńgeıi tez áreket ete ala­tyn qol­shatyr ınstıtýt re­tinde, al ekin­shiden, aınalasyn­da qazaq­standyqtar shoǵyrlanatyn, qoǵamnyń irgeli qaǵıdalary retinde birlik pen ózara kómek qundylyqtaryn ustanatyn ıns­tı­týt retinde taǵy da tanyla bildi, – dedi Prezıdent janyn­daǵy QSZI О́ńirlermen jumys jónindegi bólim basshysy Ámına Úrpekova.

Búginde Assambleıanyń ınstı­týsıonaldyq áleýeti nyǵaıyp, uıym jetekshileri memlekettik sheshim qabyldaý úderisine jáne reformalardy ilgeriletýge belsene aralasa bastady. Bul bir jaǵynan QHA-nyń 30 jylda ótken transformasııasynyń bas­ty jetistigi deýge bolady. Muny negizge alǵan Memleket basshysy Assambleıa qyzmetin halyqqa túsindirip, odan ári nasıhattaýǵa jáne azamattardy el birligin nyǵaıtý jolyndaǵy aýqymdy jumysqa jumyldyrýǵa utymdy paıdalanamyz degen edi. Sondaı-aq ol byltyrǵy 33 sessııada Úkimet­ke mereıli belesti atap ótýge arnalǵan is-sharalar josparyn ázirleýdi tapsyrdy. 

Osylaısha Úkimettiń 2024 jylǵy 24 qazandaǵy qaýlysymen «Birlik pen kelisimniń 30 jyly» Qazaqstan halqy Assambleıasy­nyń 30 jyldyǵyn uıymdastyrý jáne ótkizý jónindegi is-sharalar jos­pary bekitildi. Merekeleý saryny kóbine resmı format­­ta uıymdastyrylyp, eldegi et­no­s­­aralyq yntymaq pen aýyz­birshilikti uıystyrýǵa baǵyt­taldy.

Atap aıtqanda, QHA-nyń HHHIV merekelik sessııasyn, Memlekettik jáne qoǵamdyq nagradalardy, «Mádenıetara­lyq jáne etnosaralyq birlikti nyǵaıtý aıasyndaǵy mádenıet jáne óner salasyndaǵy úzdik ju­mystary úshin» jáne «Máde­nıet­aralyq jáne etnosaralyq birlikti nyǵaıtý boıynsha áde­bıet jáne jýrnalıstıka sa­lasyn­daǵy úzdik jumystary úshin» syı­lyqtaryn tabystaý, QHA Keńe­siniń keńeıtilgen otyrysyn ótkizý, óńirlik josparlardy ázirleý jáne iske asyrý, «Assambleıa jastary» RQB-nyń «Birlik pen yntymaqtastyqqa 30 jyl» qaıyrymdylyq aksııasy, «Jastar-Life» jáne «Elim meniń» jobalary, «Syr eli – dostyq mekeni», «Birlik-Edınstvo.kz» respýblıkalyq jastar forýmy, «Raqmet, Jer ana!» ekologııalyq aksııasy, Fransııanyń Parıj qalasyndaǵy IýNESKO shtab-páterinde QHA qyzmetiniń tanys­tyrylymyn uıymdastyrý syndy is-sharalardy ótkizý kózdelgen. El birligin eselep, uıym bedelin arttyra túsetin bul bastamalar keminde 1,5 mln adamdy qamtıdy dep josparlanyp otyr.