2014 jylǵy 30 jeltoqsan, Astana qalasy
Kásibı avarııalyq-qutqarý qyzmetteri men quralymdarynyń qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý qaǵıdalaryn bekitý týraly
«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-2-babynynyń 13) tarmaqshasyna sáıkes buıyramyn:
1. Qosa berilip otyrǵan Kásibı avarııalyq-qutqarý qyzmetteri men quralymdarynyń qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q. Erjanov):
1) osy buıryqtyń zańnamamen belgilengen tártipte Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde buqaralyq aqparat quraldarynda jáne Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyqty júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa kóshirmelerin jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýdyń baqylaý Qazaqstan Respýblıkasynyń Investısııalar jáne damý vıse-mınıstri A.P. Raýǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV.
«KELISILDI»
Qazaqstan Respýblıkasynyń Ulttyq ekonomıka
mınıstri ________________ E.DOSAEV.
2015 jylǵy 14 qańtar
Qazaqstan Respýblıkasy Investısııalar jáne damý mınıstriniń
2015 jylǵy 30 jeltoqsandaǵy №347 buıryǵymen bekitilgen
Kásibı avarııalyq-qutqarý qyzmetteri men quralymdarynyń qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý qaǵıdalary
1. Jalpy erejeler
1. Osy Kásibı avarııalyq-qutqarý qyzmetteri men quralymdarynyń qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý qaǵıdalary (budan ári – Qaǵıdalar) «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańy (budan ári – Zań) 12-2-babynyń 13) tarmaqshasyna sáıkes ázirlengen jáne kásibı avarııalyq-qutqarý qyzmetteri men quralymdarynyń qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý tártibin anyqtaıdy.
2. Kásibı avarııalyq-qutqarý qyzmetteri men quralymdary qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý boıynsha óz qyzmetinde Zańdy, Qazaqstan Respýblıkasynyń ózge de normatıvtik quqyqtyq aktilerin jáne osy Qaǵıdalardy basshylyqqa alady.
3. Osy Qaǵıdalarda mynadaı negizgi uǵymdar paıdalanylady:
1) avarııalardy joıý jospary – adamdardy qutqarý jónindegi is-sharalardy, basshylar men qyzmetkerlerdiń, avarııalyq-qutqarý qyzmetteri men quralymdarynyń is-áreketin kózdeıtin, uıymnyń basshysymen bekitiletin jáne kásibı avarııalyq-qutqarý qyzmetterimen jáne quralymdarymen kelisiletin qujat;
2) «Dabyl» belgisi – kásibı avarııalyq-qutqarý qyzmetteri men quralymdarynyń jedel bólimshelerin qaýipti óndiristik obektilerdi ıelenetin jáne (nemese) paıdalanatyn uıymdardaǵy avarııalardy joıýǵa jáne avarııalyq-qutqarý jumystaryn júrgizýge daıyndyqqa tartý úshin dabyldamalar nemese basqa da sıgnal berý quraldary arqyly beriletin qulaqtandyrýdyń biryńǵaı sıgnaly;
3) kásibı avarııalyq-qutqarý qyzmeti – qutqarýshylary shtat negizinde jumys isteıtin jáne biliktilik talaptaryna sáıkes keletin quralymnan nemese quralymdardan turatyn avarııalyq-qutqarý qyzmeti.
2. Kásibı avarııalyq-qutqarý qyzmetteri men quralymdarynyń qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý tártibi
4. Kásibı avarııalyq-qutqarý qyzmetteri men quralymdarynyń qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetýi jasalǵan shart negizinde júrgiziledi.
5. Qaýipti óndiristik obektilerdi ıelenetin jáne (nemese) paıdalanatyn uıymdar kásibı avarııalyq-qutqarý qyzmeti men quralymyna, jylyna bir ret, aldyńǵy jyldyń 1 jeltoqsanynan keshiktirmeı avarııalardy joıý josparyn (budan ári – AJJ) kelisýge usynady.
6. Kásibı avarııalyq-qutqarý qyzmeti men quralymy usynylǵan AJJ-ny alǵan kúninen bastap kúntizbelik on kún ishinde qaraıdy.
7. AJJ Qazaqstan Respýblıkasynyń azamattyq qorǵaý salasyndaǵy zańnamasynda belgilengen talaptarǵa sáıkes kelmegen jaǵdaıda, kásibı avarııalyq-qutqarý qyzmeti men quralymy osy Qaǵıdalardyń 6-tarmaǵynda belgilengen merzimnen keshiktirmeı, AJJ kelisýden bas tartý týraly jazbasha aqparatty qaýipti óndiristik obektilerdi ıelenetin jáne (nemese) paıdalanatyn uıymdardyń basshylyǵyna jiberedi.
8. Shartta AJJ oryndaý tártibi, avarııalyq-qutqarý bólimsheleriniń sandyq quramy kózdeledi.
9. Qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý kezinde kásibı avarııalyq-qutqarý qyzmetteri men quralymdary:
1) kásibı avarııalyq-qutqarý qyzmetteri men quralymdarynyń jedel bólimsheleriniń «Dabyl» belgisi boıynsha avarııalardy joıýǵa jáne avarııalyq-qutqarý jumystaryn júrgizýge shyǵýǵa táýlik boıy turaqty ázirligin;
2) jeke quramnyń kásibı avarııalyq-qutqarý qyzmeti men quralymynyń jedel bólimshesi basshysyna múltiksiz baǵyna otyryp avarııalyq-qutqarý jumystaryn oryndaýyn;
3) avarııany joıý qaýipti óndiristik obektiniń tehnıkalyq basshysy atalǵan jumystardy toqtata turý nemese toqtatý týraly sheshim qabyldaǵan jaǵdaıdy qospaǵanda, avarııalyq-qutqarý jumystary tolyq aıaqtalǵanyna deıin olardy júrgizý mindettiligin qamtamasyz etedi.
10. Qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetýdi kásibı avarııalyq-qutqarý qyzmeti men quralymynyń jedel bólimsheleri júzege asyrady, olar:
1) kásibı avarııalyq-qutqarý bólimshesinen;
2) kásibı avarııalyq-qutqarý vzvodynan;
3) kásibı avarııalyq-qutqarý jasaǵynan turady.
11. Kásibı avarııalyq-qutqarý bólimshesi, bólimshe komandıri men jedel kólik júrgizýshisin qosqanda, sany segizden onǵa deıin adam bolatyn qutqarýshylardan turady.
12. Kásibı avarııalyq-qutqarý vzvody úsh jáne odan da kóp avarııalyq-qutqarý bólimshelerinen qurylady.
13. Kásibı avarııalyq-qutqarý jasaǵy eki jáne odan da kóp vzvodtardan qurylady.
14. Kásibı avarııalyq-qutqarý qyzmeti men quralymynyń jedel bólimsheleri azamattyq qorǵanys salasyndaǵy ýákiletti organmen bekitilgen kásibı avarııalyq-qutqarý qyzmetterin jaraqtandyrý jáne kınologııalyq qyzmetterdi qamtamasyz etý normalaryna sáıkes apparatýramen, jabdyqtarmen, shtattyq materıaldar qorymen jáne avtokólikpen qamtamasyz etiledi.
15. Qaýipti óndiristik obektilerdi ıelenetin jáne (nemese) paıdalanatyn uıymdarǵa qyzmet kórsetý kezinde kásibı avarııalyq-qutqarý qyzmeti men quralymynyń jedel bólimsheleri jumystardyń mynadaı negizgi túrlerin atqarady:
1) avarııalyq-qutqarý jumystary;
2) aldyn alý jumystary;
3) tehnıkalyq jumystar.
16. Avarııalyq-qutqarý jumystary qaýipti óndiristik obektilerde tehnogendi jáne tabıǵı sıpattaǵy tótenshe jaǵdaılar oryn alǵan kezde avarııa aımaǵyndaǵy adamdardy izdeý jáne qutqarý, olarǵa shuǵyl medısınalyq jáne psıhologııalyq kómek kórsetý, qaýipti faktorlardyń áserin oqshaýlaý jáne basý nemese eń tómengi múmkin bolatyn deńgeıge deıin jetkizý maqsatynda júrgiziledi.
17. Qaýipti óndiristik obektidegi avarııany joıý kezinde avarııalyq-qutqarý jumystaryn qaýipti óndiristik obektiniń tehnıkalyq basshysy basqarady.
18. Qaýipti óndiristik obektiniń tehnıkalyq basshysy avarııany joıýǵa baılanysty buıryqtaryn tek kásibı avarııalyq-qutqarý qyzmeti men quralymynyń jedel bólimshesiniń basshysy arqyly beredi.
19. Avarııany joıý qaýipti óndiristik obektiniń tehnıkalyq basshysynyń adamdardy qutqarý men avarııany joıýǵa baǵyttalǵan sheshimderin oryndaý kásibı avarııalyq-qutqarý qyzmeti men quralymynyń jedel bólimshesiniń basshysyna, avarııa aımaǵyndaǵy uıymdar men azamattarǵa mindetti bolyp sanalady.
20. Kásibı avarııalyq-qutqarý qyzmeti men quralymynyń jedel bólimshesiniń basshysy avarııalyq-qutqarý jumystaryn júrgizýge qajetti tolyq jáne naqty aqparat alady.
21. Avarııalyq-qutqarý jáne shuǵyl jumystardy júrgizýge múmkindik bolmaǵan jaǵdaıda, qaýipti óndiristik obektiniń tehnıkalyq basshysy birinshi kezektegi tártippen tótenshe jaǵdaılar aımaǵyndaǵy adamdardy qutqarý jóninde barlyq sharalardy qabyldaı otyryp, atalǵan jumystardy tolyq nemese ishinara toqtata turý týraly sheshim qabyldaıdy.
22. Kásibı avarııalyq-qutqarý qyzmeti men quralymynyń jedel bólimshesiniń basshysy avarııalyq-qutqarý jumystarynyń durys jáne qaýipsiz júrgizilýine jaýap beredi.
23. «Dabyl» belgisi boıynsha avarııaǵa shyǵý tártibi, avarııany joıýǵa qatysýshy jedel bólimsheler sany jáne avarııalyq-qutqarý jumystaryn atqarýǵa qajetti qural-jabdyqtar tizimi qyzmet kórsetiletin qaýipti óndiristik obektilerdi ıelenetin jáne (nemese) paıdalanatyn uıymnyń AJJ-na sáıkes anyqtalady.
24. Kásibı avarııalyq-qutqarý qyzmeti men quralymynyń jedel bólimshesi júrgizetin aldyn alý jumystar qyzmet kórsetiletin qaýipti óndiristik obektilerdi ıelenetin jáne (nemese) paıdalanatyn uıymdardyń adamdardy qutqarý men tabıǵı jáne tehnogendi sıpattaǵy avarııalardy joıýǵa daıyndyǵyn, órtke qarsy qorǵanystaryn, qosymsha shyǵý joldarynyń bolýyn, AJJ-nyń qyzmet kórsetiletin qaýipti óndiristik obektilerdiń is júzindegi jaǵdaıyna sáıkestigin anyqtaýǵa baǵyttalǵan.
25. Profılaktıkalyq jumystardy júrgizý kezinde Qazaqstan Respýblıkasynyń ónerkásiptik qaýipsizdik salasyndaǵy zańnamasy talaptarynyń buzylǵany, onyń ishinde órtke qarsy qorǵanystyń, AJJ qyzmet kórsetiletin qaýipti óndiristik obektilerdiń is júzindegi jaǵdaıynan aıyrmashylyq anyqtalǵan jaǵdaıda kásibı avarııalyq-qutqarý qyzmeti men quralymynyń jedel bólimshesiniń basshysy qaýipti óndiristik obektilerdi ıelenetin jáne (nemese) paıdalanatyn uıymnyń basshylyǵyna anyqtalǵan kemshilikterdi joıý qajettigi týraly jazbasha túrde habarlaıdy jáne kemshilikter anyqtalǵan kúnnen bastap úsh jumys kúni ishinde anyqtalǵan kemshilikter týraly ónerkásiptik qaýipsizdik salasyndaǵy ýákiletti organnyń aýmaqtyq bólimshesine jazbasha túrde baıandaıdy.
26. Tehnıkalyq jumystar jóndeý-qalpyna keltirý jumystarynyń bir túri bolyp tabylady jáne qaýipti óndiristik obektiniń qaýipsiz jáne toqtaýsyz jumys isteýin qamtamasyz etýdi kózdeıdi.
27. Tehnıkalyq jumystar avarııalardy joıý jáne oqshaýlaý, olardyń zardaptaryn joıýmen baılanysty emes jáne kásibı avarııalyq-qutqarý qyzmetteri men quralymdarymen, arnaıy qorǵanys quraldaryn qoldanyp jáne (nemese) olardy qoldanbaı, qaýipti óndiristik obektiler aýmaǵynda, sondaı-aq onyń sheginen tys, onyń ishinde kólikte júrgiziledi.
Buıryq Qazaqstan Respýblıkasynyń Ádilet mınıstrliginde 2015 jylǵy 13 aqpanda Normatıvtik quqyqtyq kesimderdi memlekettik tirkeýdiń tizilimine №10252 bolyp engizildi.