2015 jylǵy 29 qańtar, Astana qalasy
Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalaryn bekitý týraly
«Baılanys týraly» 2004 jylǵy 5 shildedegi Qazaqstan Respýblıkasynyń Zańy 13-babynyń 1-tarmaǵyna sáıkes buıyramyn:
1. Qosa berilip otyrǵan Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (S.S. Sarsenov):
1) osy buıryqtyń Qazaqstan Respýblıkasy Ádilet mınıstrliginde zańnamada bekitilgen tártipte memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde kóshirmesin merzimdi baspa basylymdarynda jáne «Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda jarııalanýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi Qazaqstan Respýbıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý vıse-mınıstri A.Q. Jumaǵalıevke júktelsin.
4. Osy buıryq alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń
Investısııalar jáne damý mınıstri Á.ISEKEShEV.
«KELISILDI»:
Qazaqstan Respýblıkasynyń Ulttyq ekonomıka
mınıstri _____________________ E.DOSAEV.
2015 jylǵy 12 aqpan
Qazaqstan Respýblıkasy Investısııalar jáne damý mınıstriniń
2015 jylǵy 29 qańtardaǵy №67 buıryǵymen bekitilgen
Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalary
1. Jalpy erejeler
1. Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalary (budan ári – Qaǵıdalar) «Baılanys týraly» 2004 jylǵy 5 shildedegi Qazaqstan Respýblıkasynyń Zańy (budan ári – Zań) 13-babynyń 1-tarmaǵyna sáıkes ázirlendi jáne Qazaqstan Respýblıkasynyń biryńǵaı telekommýnıkasııalar jelisiniń nómirleý resýrstaryn bólý jáne paıdalaný tártibin anyqtaıdy.
2. Qazaqstan Respýblıkasynyń biryńǵaı telekommýnıkasııalar jelisiniń nómirleý resýrstaryn retteý nómirleý resýrstaryn bólýdi jáne olardyń paıdalanýyn baqylaýdy qamtıtyn erekshe fýnksııasy bolyp tabylady.
Memlekettik retteý baılanys operatorlarynyń, qyzmetter provaıderleriniń jáne arnaýly, vedomstvolyq jáne korporatıvtik telekommýnıkasııa jelileri ıeleriniń, sondaı-aq jeke jáne zańdy tulǵalardyń olarǵa nómirleý resýrsyn taǵaıyndaý boıynsha qajettilikterin qanaǵattandyrý maqsatynda:
1) baılanys qyzmetterin usyný nemese basqarýshylyq maqsattardyń júzege asyrylýyn qamtamasyz etý;
2) shuǵyl jáne anyqtamalyq-aqparattyq, tapsyrys berý qyzmetterine qol jetkizýdi uıymdastyrý;
3) telefondyq nómirleý resýrstaryn paıdalanatyn telekommýnıkasııalar jelilerin utymdy damytý men ózara is-qımyl jasaýy;
4) baılanystyń jańa qyzmetterin engizý úshin júzege asyrylady.
3. Osy Qaǵıdalarda paıdalanylatyn negizgi uǵymdar:
1) ABC kody – geografııalyq nómirleý aımaǵynyń telekommýnıkasııalyq jelisin ne onyń bir bóligin sáıkestendiretin kod;
2) DEF kody – geografııalyq emes nómirleý aımaǵynyń ıntellektýaldy baılanys jelisiniń qyzmetin nemese telekommýnıkasııalyq jelini sáıkestendiretin kod;
3) «H1» ındeksi – geografııalyq turǵyda belgilenetin nómirleý aımaǵy abonentiniń aımaqtyq telefon nómiriniń mıllıondyq nómirler tobynyń kody;
4) «H1H2» ındeksi – geografııalyq turǵyda belgilenetin nómirleý aımaǵy abonentiniń aımaqtyq telefon nómiriniń júz myńdyq nómirler tobynyń kody;
5) «H1H2H3» ındeksi – geografııalyq turǵyda belgilenetin nómirleý aımaǵy abonentiniń aımaqtyq telefon nómiriniń on myńdyq nómirler tobynyń kody;
6) jeliniń nómirleý syıymdylyǵy – telekommýnıkasııalar jelisiniń aqyrǵy paıdalanýshylyq jabdyǵyn sáıkestendiretin nómirler sany;
7) jelini nómirleýdiń josparlanatyn syıymdylyǵy – belgili bir kezeńge jelini damytý kezinde baılanys operatory qol jetkizýdi josparlaıtyn telekommýnıkasııalar jelisiniń nómirleý syıymdylyǵy;
8) jelini nómirleýdiń qoldanystaǵy syıymdylyǵy – jelide jalǵanǵan barlyq aqyrǵy (paıdalanýshylyq) jabdyqtardy sáıkestendiretin nómirlerdi, sonymen qosa baqylaýda jáne qyzmettik maqsattarda qoldanylatyn nómirlerdi, sondaı-aq olarǵa qyzmet kórsetkeni úshin abonenttik tólem alynatyn, paıdalanýshy brondaǵan nómirlerdi esepke alatyn jelini nómirleýdiń syıymdylyǵy;
9) jelini nómirleýdiń eń joǵarǵy yqtımal syıymdylyǵy – jelide qabyldanǵan nómirleýdiń mándiligi sheńberinde jelini nómirleýdiń eń joǵarǵy syıymdylyǵy;
10) zııatkerlik jeli – derekterdi berýdi jáne óńdeýdi birlestiretin kommýnıkasııalyq jeli;
11) qoljetimdi nómirleý resýrsy – qoldanýǵa tehnıkalyq múmkindik bar nómirleýdiń bos resýrsy;
12) qyzmet provaıderi – menshikti baılanys ınfraqurylymy joq jáne paıdalanýshylarǵa baılanys operatorlarynyń jelileri arqyly telekommýnıkasııa qyzmetterin kórsetetin jeke nemese zańdy tulǵa;
13) qyzmet abonentiniń logıkalyq nómiri – H1...Hn ıntellektýaldy baılanys jelisi qyzmetteri abonenti nómiriniń tikeleı qyzmet abonentin sáıkestendiretin bóligi;
14) nómirdiń «kóshýi» (nomadicity) – tirkelgen telefon baılanysy jelisindegi paıdalanýshynyń óziniń jelilik qoljetimdilik núktesin aýystyrý qabileti;
15) nómirleý resýrsyn alýshy – baılanys operatory, qyzmet provaıderi, vedomstvolyq telekommýnıkasııalar jelisiniń, arnaıy taǵaıyndalǵan telekommýnıkasııalar jelisiniń, korporatıvti jeliniń ıesi, sonymen qatar qyzmet kórsetý kezinde Qazaqstan Respýblıkasynyń nómirleý júıesi men josparyna sáıkes bólingen nómirleý resýrsyn qoldanatyn jeke jáne zańdy tulǵalar;
16) belgilengen aýmaqta nemese DEF kodymen nómirleý aımaǵynda nómirleý resýrsynyń shektelý – belgilengen aýmaqta nemese DEF kodymen nómirleý aımaǵynda jumys isteıtin telekommýnıkasııalar jelisiniń jaǵdaıy, bul rette barlyq baılanys operatorlaryna bólingen jáne baılanys operatorlarynyń ótinishi boıynsha suralatyn nómirleý resýrsy qoljetimdi mólsherden 90 paıyz joǵary;
17) ótinish berýshi – nómirleý resýrsyn bólý nemese alyp qoıý týraly ótinish jasaǵan jeke nemese zańdy tulǵa;
18) prefıks – nómirdiń, jelilerdiń, qyzmetterdiń, baılanys operatorlarynyń túrli turpattaryn tańdaýdy júzege asyrýǵa múmkindik beretin bir sannan nemese odan kóp belgilerden turatyn ındıkator;
19) ýákiletti organ – baılanys salasyndaǵy memlekettik saıasattyń iske asyrylýyn, baılanys salasynda qyzmetter kórsetetin nemese olardy paıdalanatyn tulǵalardyń qyzmetin memlekettik baqylaýdy, úılestirý men retteýdi júzege asyratyn, Qazaqstan Respýblıkasynyń Úkimeti aıqyndaıtyn ortalyq atqarýshy organ.
4. Telekommýnıkasııalar jelileri úshin nómirleý resýrsyn bólý baılanys qyzmetterin kórsetý salasyndaǵy qyzmetti iske asyrý lısenzııasyna ıe, vedomstvolyq korporatıvti jelilerdiń jáne arnaıy taǵaıyndalǵan telekommýnıkasııalar jelileriniń ıelerin, baılanys operatorlarynyń, qyzmet provaıderleriniń ótinishi, sondaı-aq qyzmet kórsetý kezinde shuǵyl jáne anyqtamalyq-aqparattyq, tapsyrys berý qyzmetterine qoljetimdilik nómirlerin uıymdastyrý úshin nómirleý resýrsyn qoldanatyn jeke jáne zańdy tulǵalardyń ótinishi boıynsha ýákiletti organ júzege asyrady.
5. Telefondyq baılanys qyzmetterin jáne telefondyq nómirleýdi paıdalaný arqyly qamtamasyz etiletin qyzmetterdi kórsetýge arnalǵan Qazaqstan Respýblıkasynyń biryńǵaı telekommýnıkasııalar jelisiniń nómirleý resýrsyna (budan ári – nómirleý resýrsy):
1) jalpy paıdalanylatyn telekommýnıkasııalar jelisiniń geografııalyq anyqtalatyn nómirleý aımaqtarynyń «AVS» kodtary;
2) nómirleýdiń geografııalyq anyqtalatyn aımaǵynda jergilikti telekommýnıkasııalar jelileriniń «H1», «H1H2» jáne «H1H2H3» ındeksteri;
3) utqyr telekommýnıkasııalyq baılanys jelileriniń, sonyń ishinde uıaly baılanys jelileriniń, jyljymaly radıotelefon baılanysy jelileriniń, trankıngtik baılanys jelileriniń, jyljymaly jerseriktik baılanys jelileriniń geografııalyq emes turǵyda belgilenetin nómirleý aımaqtarynyń «DEF» kodtary;
4) vedomstvolyq telekommýnıkasııalar jelileriniń, arnaıy taǵaıyndalǵan telekommýnıkasııalar jelileriniń, korporatıvti jelilerdiń geografııalyq emes turǵyda belgilenetin anyqtalatyn nómirleý aımaqtarynyń «DEF» kodtary;
5) baılanys operatorlary óziniń abonentterine – jeli ýchaskeleriniń ár túrli ákimshilik aýmaqtaryna bólingen biriktirýdi talap etetin qosymsha qyzmetterdi zańdy tulǵalarǵa usyný úshin tirkelgen telefon baılanysy jelileriniń geografııalyq emes turǵyda belgilenetin nómirleý aımaqtarynyń «DEF» kodtary men «DEF» kodyndaǵy «H1», «H1H2» ındeksteri;
6) abonentterdi nómirdiń «kóshý» (nomadicity) fýnksııasymen qamtamasyz etetin, tirkelgen telefondy baılanys jelileriniń geografııalyq emes anyqtalatyn nómirleý aımaǵynyń «DEF» kodtary men «DEF» kodyndaǵy «H1», «H1H2» ındeksteri;
7) vedomstvolyq, korporatıvti jáne nómirleýdiń syıymdylyǵy 100 myń nómirden aspaıtyn, basqa geografııalyq bólingen telekommýnıkasııalar jelileriniń geografııalyq emes anyqtalatyn nómirleý aımaǵynyń «DEF» kodyndaǵy «H1», «H1H2» ındeksteri;
8) qyzmetterge qoljetimdilik kodtary:
qalaaralyq jáne (nemese) halyqaralyq telefondyq qosylýlardy usyný úshin IP-telefonııa (Internet-telefonııa);
Internet jelisine qoljetimdilik;
baılanystyń zııatkerlik jelileri;
qalaaralyq jáne (nemese) halyqaralyq jeliniń kommýtasııalyq stansııasy tehnıkalyq qyzmetkerleriniń baqylaý-synaq jabdyqtaryna qoljetimdilik;
9) qyzmetterge qoljetimdilik kodtaryn paıdalanýmen baılanys qyzmetterin usynatyn (H1H2H3)/(H1H2H3H4) operatorlar kodtary;
10) «1UV (H1(H2))» shuǵyl jedel, aqparattyq-anyqtamalyq jáne tapsyrys berý qyzmetterine qoljetimdilik nómirleri;
11) qalaaralyq jáne (nemese) halyqaralyq baılanys operatorlaryn tańdaý prefıksteri;
12) «AVS» kodymen nómirleýdiń geografııalyq belgilenetin aımaǵyndaǵy jergilikti telekommýnıkasııalar jelisiniń nómirleý resýrsy;
13) qyzmetterge qoljetimdilik kodtaryn paıdalanýmen (H4H5H6H7)/(H5H6H7) qyzmetter abonentteriniń logıkalyq nómirleri kiredi.
6. Nómirleý resýrsy Qazaqstan Respýblıkasynyń ulttyq resýrsynyń bir bóligi retinde ıelikke alynbaıtyn bolyp tabylady (satýǵa, jalǵa berýge bolmaıdy, kásiporyndy qaıta uıymdastyrýdyń nemese taratýdyń nátıjesinde quqyqtyq mırasqorǵa berilmeıdi).
Baılanys operatoryna nómirleý resýrsy telekommýnıkasııalar qyzmetin kórsetý úshin jeli abonentterine nómirlerdi bólý nemese qyzmetke qoljetimdilikti uıymdastyrý arqyly paıdalanýǵa bólinedi.
Bir baılanys operatorynyń nómirleý resýrsyn nómirdi tasymaldaý qyzmetinen basqa, qyzmetterdi kórsetý maqsatynda paıdalaný úshin basqaǵa berýine jol berilmeıdi.
7. Ýákiletti organ nómirleý resýrsyn esepke alý boıynsha jumysty uıymdastyrady jáne osy Qaǵıdalarǵa 1-qosymshaǵa sáıkes nysan boıynsha bólingen jáne rezervtik nómirleý resýrstarynyń tizilimin júrgizedi.
8. Nómirleý resýrsyn alǵan baılanys operatorlary, qyzmetter provaıderleri jáne jelilerdiń ıeleri, olar anyqtaıtyn nómirleý josparyna sáıkes alynǵan nómirleý resýrsyn qyzmet kórsetiletin aýmaq boıynsha nemese baılanys qyzmetteri boıynsha bóledi.
Belgilengen nómirleý josparynyń kóshirmesi jáne paıdalanylatyn (qoldanystaǵy) nómirleý týraly málimetterdi baılanys operatorlary, jelilerdiń ıeleri, qyzmetter provaıderleri jyl saıyn 30 qańtardan keshiktirmeı ýákiletti organǵa Qazaqstan Respýblıkasynyń nómirleý josparyna qosý úshin usynady.
9. Nómirleý resýrsyn bólý men nómirlerdi berý, sondaı-aq olardy alyp qoıý ýákiletti organ quratyn Nómirleý resýrsyn bólý komıssııasynyń (budan ári – Komıssııa) usynymy boıynsha júzege asyrylady.
Nómirleý resýrsyn bólý, sondaı-aq olardy alyp qoıý týraly sheshim ýákiletti organnyń buıryǵymen rastalady.
2. Nómirleý resýrsyn bólý tártibi
10. Abonentterdi nómirdiń «kóshý» (nomadicity) fýnksııasymen qamtamasyz etetin tirkelgen telefondyq baılanys jelileriniń geografııalyq emes turǵyda belgilenetin nómirleý aımaqtarynyń «AVS» kodtary, «DEF» kodtary, qyzmetterge qoljetimdilik kodtarynyń naqty alýshysy joq jáne olar Qazaqstan Respýblıkasynyń nómirleý júıesi men josparyna sáıkes ýákiletti organmen belgili bir aýmaqqa nemese telekommýnıkasııalar qyzmetiniń túrine bekitiledi.
Nómirleýdiń bir geografııalyq belgilenetin aımaǵynyń nómirleý resýrstaryn basqa geografııalyq anyqtalatyn aımaqta paıdalanýǵa ruqsat etilmeıdi.
Nómirleýdiń geografııalyq turǵyda belgilenetin anyqtalatyn aımaǵynyń nómirleý resýrsy osy aımaqta jumys isteıtin tirkelgen baılanys jelileriniń operatorlary úshin ortaq bolyp tabylady.
11. Ýákiletti organ «AVS» kodymen nómirleýdiń geografııalyq belgilenetin aımaǵynda jergilikti telekommýnıkasııalar jelileriniń «H1H2», «H1H2H3» ındeksterin josparlaý men bólýdi, olardyń aýystyrylýyn nemese rezervke qoıýdy nómirleýdiń ár geografııalyq belgilenetin aımaqtyń qoldanystaǵy nómirleý josparlaryna sáıkes iske asyrady.
12. Baılanys operatoryna nómirleýdiń geografııalyq anyqtalatyn aımaqtyń aýmaǵynda (ústeme jeli) ornalasqan birneshe jergilikti jelilerdi sáıkestendirý úshin osy aımaqtyń «AVS» kody resýrsynan bos «H1H2» ındeksi bólinýi múmkin.
«H1H2» ındeksi baılanys operatoryna nómirleýdiń geografııalyq belgilenetin aımaǵynyń aýmaǵynda baılanys operatory jergilikti jelileriniń qosyndy josparlanǵan syıymdylyǵy 15 myńnan kem emes nómir quraǵanda, al nómirleý resýrsyn alý ótinishin bergen ýaqyttaǵy baılanys operatorynyń qoldanystaǵy jergilikti jelileriniń syıymdylyǵy – josparlanǵannan 50 paıyzdan kem emes quraıtyn jaǵdaıda ǵana bólinedi.
Nómirleýdiń geografııalyq turǵyda belgilenetin aımaǵynda baılanys operatorynyń jergilikti jelileriniń qosyndy syıymdylyǵy eń joǵary múmkin bolatyn nómirleýdiń 90 paıyzyna deıin (72 myń nómir) joǵarylaǵan jaǵdaıda baılanys operatoryna bir ındeksten kóp «H1H2» bólinedi.
13. «AVS» kodymen nómirleýdiń geografııalyq turǵyda belgilenetin aımaǵyndaǵy jergilikti telekommýnıkasııalar jelileriniń nómirleý resýrsy telekommýnıkasııalar jelileriniń nómirleý resýrstaryn bólýge arnalǵan ótinishte kórsetilgen kólemniń 50 paıyzdaı mólsherinde bólinedi. Nómirleý resýrsynyń 50 paıyz mólsherindegi qalǵan bóligi nómirleý resýrsyn alýshyǵa rezervke beriledi jáne bólingen resýrstyń qoldanysta bolý shegi boıynsha resýrs alýshy paıdalanady.
14. Eger naqty aýmaqta barlyq baılanys operatorlaryna bólingen jáne nómirleý resýrsyn bólýge arnalǵan baılanys operatorlary ótinishteri boıynsha suralatyn jergilikti telekommýnıkasııalar jelisiniń nómirleý resýrsy qoljeterlik resýrstan 90 paıyzǵa joǵary bolsa, onda Komıssııanyń hattamalyq sheshimimen resýrsqa shekteýdiń bolǵandyǵy tirkeledi.
Resýrstyń shekteýliligi týraly aqparat ýákiletti organnyń ınternet-resýrsynda Komıssııanyń hattamalyq sheshimine qol qoıylǵan kúninen bastap 10 kún ishinde jarııalanady.
Ýákiletti organ jergilikti jeliniń nómirleý resýrsyn ulǵaıtý boıynsha mynadaı sharalar qabyldaıdy:
1) nómirleý resýrsyn qaıta bólý arqyly (taldaý júrgizý jáne nómirleý resýrsyn alýshymen bólingen merzimnen bastap eki jyl ishinde 50 paıyzdan astam bólingen jergilikti telekommýnıkasııalar jelisiniń nómirleý resýrsynan paıdalanbaǵanyn anyqtaý);
2) Qazaqstan Respýblıkasynyń nómirleý júıesi men josparyna sáıkes jergilikti jelide abonenttiń 5 tańbaly nómirinen 6 tańbalyǵa, jergilikti jelide abonenttiń 6 tańbaly nómirinen 7 tańbalyǵa aýystyrý joly arqyly.
15. Uıaly baılanys, utqyr telekommýnıkasııalyq baılanys (onyń ishinde jyljymaly radıo/radıotelefon baılanysy jáne trankıngtik baılanys), jyljymaly jerseriktik baılanys jelilerine Qazaqstan Respýblıkasynyń barlyq aýmaǵynda (respýblıkalyq jeliler) qyzmetter usynǵan jaǵdaıda berilgen lısenzııanyń negizinde nómirleýdiń geografııalyq emes anyqtalatyn aımaǵynyń «DEF» kodtary bólinedi.
Jeli syıymdylyǵynyń eń joǵarǵy múmkindiginen 90 paıyzǵa deıin joǵarylaǵan jaǵdaıda, osy jelige jańa DEF kody bólinedi.
О́ńirlik uıaly baılanys jelilerine, bólek eldi mekender aýmaǵynda jumys isteıtin utqyr telekommýnıkasııalyq baılanys jelilerine (onyń ishinde jyljymaly radıo/radıotelefon jáne trankıngtik baılanys jelilerine) nómirleýdiń geografııalyq anyqtalatyn aımaǵynyń sheginde osy geografııalyq anyqtalatyn aımaǵynyń nómirleý resýrsy bólinedi.
16. Eger ótinish berýshi jeli ýchaskelerin (fragmentterin) bir nómirleý kodymen biriktirgen jaǵdaıda basqarýshylyq jáne óndiristik qyzmettiń tıimdiligin edáýir joǵarylaıtyndyǵyn dáleldeıtin negizdeýler keltiretin bolsa, vedomstvolyq, korporatıvtik jelilerge jáne arnaıy taǵaıyndalǵan baılanys jelilerine «DEF» kodtary bólinedi.
Vedomstvolyq jáne korporatıvtik jelilerge «DEF=767» kodyndaǵy «H1H2» ındeksi, jeliniń qosyndy syıymdylyǵy kem degende 100 myń nómir bolǵan jaǵdaıda ǵana bólinedi.
Zańdy tulǵalarǵa naqty nómirleýdiń geografııalyq anyqtalatyn aımaǵyna baılanbaǵan, vedomstvolyq jáne korporatıvtik jelilerdi uıymdastyrý qyzmetterin usynatyn tirkelgen baılanys operatoryna «DEF» kody nemese «DEF=767» («DEFH1H2») kodyndaǵy ındeks bólinedi.
Vedomstvolyq jáne korporatıvtik jelilerge «DEF»/«DEFH1H2» kodtaryn bólýmen qatar, jelilerdi paıdalanýshylarǵa qolaılylyqty qamtamasyz etý maqsatynda «AVS» kodymen nómirleý aımaǵynda jergilikti jelilerdiń nómirleý resýrsyn taǵaıyndaýǵa ruqsat etiledi.
17. «DEF» kodtaryn nemese «DEF» kodtaryndaǵy «H1H2» ındeksterin, jergilikti telekommýnıkasııalar jelileriniń «AVS» kodtaryndaǵy «H1H2», «H1H2H3» ındeksterin alǵan baılanys operatorlary jáne jeliler ıeleri budan ári nómirleý resýrsyn bólýdi ózderi ázirleıtin naqty jelilerdiń nómirleý josparlaryna sáıkes derbes iske asyrady.
18. Bólingen telekommýnıkasııalar jelileriniń nómirleý josparyn osy jeliler operatorlary derbes (jelilerdi, kommýtasııalyq stansııalardy ıdentıfıkasııalaý, abonent nómirleriniń mándiligi) anyqtaıdy.
Ortaq paıdalanýdaǵy telekommýnıkasııalar jelisi men bólingen jeliniń túıisken jaǵdaıda ol Qazaqstan Respýblıkasynyń biryńǵaı telekommýnıkasııalar jelisiniń basqa jeliler sanattaryna aýysady, jeliniń nómirlenýi osy Qaǵıdalarǵa sáıkes ózgertiledi.
19. Baılanys operatorlaryna ABC jáne DEF kodtarynda qysqa nómirlerdi óz betinshe bólýge jol berilmeıdi.
20. Operatordy tańdaý prefıksteri «12HH» tek qalaaralyq jáne (nemese) halyqaralyq baılanys operatorlaryna bólinedi, bul rette baılanys operatoryna qalaaralyq, sondaı-aq halyqaralyq baılanys úshin paıdalanylatyn qalaaralyq jáne (nemese) tek bir prefıksi bólinedi.
21. Baılanys operatoryna (qyzmet provaıderine) ortaq paıdalanýdaǵy telekommýnıkasııalar jelisi abonentteriniń derekterdi berý qyzmetterine qol jetkizýin uıymdastyrý maqsatynda jergilikti telefon nómirlerin bólýge ruqsat etiledi, onyń ishinde Internet jelisine qol jetkizý qyzmetiniń provaıderi bolyp tabylatyn jergilikti jeli baılanysynyń operatory onyń jergilikti jelisine bekitilgen nómirleý resýrsynan jergilikti telefon nómirin paıdalanady, sonymen qatar bul nómir ýákiletti organnyń buıryǵymen qyzmetterge qoljetkizilgen nómir retinde bekitiledi.
22. IP-telefonııa (Internet-telefonııa) qyzmetin kórsetý úshin ýákiletti organ taǵaıyndaǵan qyzmetterdiń qol jetkizý kodyndaǵy nómirin paıdalanýmen qatar qalaaralyq jáne halyqaralyq baılanys operatorlarynyń anyqtamalyq-aqparattyq jáne tapsyrystyq qyzmetterine qatynaýǵa arnalǵan dıapazonynan «1UV (H1(H2))» jergilikti telefon nómiri paıdalanylýy múmkin, bul rette bul nómir ýákiletti organnyń buıryǵymen qyzmetke qoljetkizilgen nómir retinde bekitiledi.
3. Nómirler bólý, sondaı-aq olardy alyp qoıý tártibi
23. Nómirleý resýrsyn alý úshin ótinish berýshi mynadaı qujattardy usynady:
1) osy Qaǵıdalarǵa 2-qosymshaǵa sáıkes nysan boıynsha biryńǵaı telekommýnıkasııalar jelisiniń nómirleý resýrsyn bólýge arnalǵan ótinish;
2) osy Qaǵıdalarǵa 3-qosymshaǵa sáıkes nysan boıynsha túsindirme jazba.
24. Nómirleý resýrsyn alyp qoıý úshin ótinish berýshi osy Qaǵıdalarǵa 4-qosymshaǵa sáıkes nysan boıynsha ótinish berýshi resimdegen, biryńǵaı telekommýnıkasııalar jelisiniń nómirleý resýrsyn alyp qoıýǵa arnalǵan ótinishti tapsyrýy qajet.
25. Kórsetilgen qujattarǵa qosymsha mynalar usynylady:
1) qalaaralyq jáne (nemese) halyqaralyq baılanys operatoryna qalaaralyq jáne (nemese) halyqaralyq baılanys operatoryn tańdaý prefıksin alý úshin ýákiletti organǵa ár aımaqta operatordyń bolýyn qalaaralyq jáne (nemese) halyqaralyq baılanys operatoryn tańdaý maqsatynda jelilerdiń qosylýynyń standartty núktesi bolyp tabylatyn operator jelisiniń tranzıtti kommýtasııalyq stansııalar tizbesin usynýy qajet;
2) baılanys operatoryna (qyzmet provaıderine) qaıta engiziletin nemese buryn qoldanystaǵy qyzmetterge qol jetkizý kodyn paıdalanyp, baılanys qyzmetterin kórsetetin operatordyń «H1H2H3(H4)» kodyn alý úshin ýákiletti organǵa kelesi qujattardy usyný qajet:
- qyzmettiń tolyq sıpattamasy;
- osy qyzmetti uıymdastyrýdyń maqsattylyǵyn negizdeý;
- usynylatyn qyzmetti kórsetý ádisiniń naqty sıpattamasy;
- shaqyrýlardy tarıfteý jáne baǵytttaý jónindegi usynystar.
Qyzmetti abonentteý kezinde baılanys operatorymen (qyzmet provaıderimen) «(H4)H5H6H7» qyzmetter abonentteriniń logıkalyq nómirleri bólinedi.
26. Nómirleý resýrsyn bólý nemese alyp qoıý úshin ótinishterdi qabyldaý, sondaı-aq nómirleý resýrsyn bólý, sondaı-aq olardy alyp qoıý týraly buıryqty nemese bas tartý sebebi kórsetilgen suralyp otyrǵan nómirleý resýrsyn bólýden dáleldi bas tartýdy berý:
- halyqqa qyzmet kórsetý ortalyǵy;
- «elektrondyq úkimet» www.egov.kz veb-portaly nemese «E-lısenzııalaý» www.elicense.kz veb-portaly arqyly júzege asyrylady.
27. О́tinish berýshi nómirleý resýrsyn bólý, sondaı-aq olardy alyp qoıý týraly buıryqty nemese suralyp otyrǵan nómirleý resýrsyn bólýden bas tartý sebebi kórsetilgen dáleldi jaýapty qujattar berilgen kúninen bastap keminde 30 jumys kúninde alady.
28. Ýákiletti organ osy Qaǵıdalardyń 23-25-tarmaqtarynda kórsetilgen qujattardy tolyq usynbaý faktisin anyqtaǵan jaǵdaıda, qujattar berilgen kúninen bastap keminde 2 jumys kúninde ótinish berýshige ótinishti odan ári qaraýdan bas tartý jónindegi dáleldi jaýapty beredi.
Keıinnen osy Qaǵıdalardyń 23-25–tarmaqtarynda kórsetilgen qujattardy usynbaý nemese tolyq paketin usynbaý, nómirleý resýrsyn bólýden bas tartýǵa negiz bola almaıdy.
29. Ýákiletti organ suratylatyn nómirleý resýrsyn bólýden mynadaı negizderdiń biri bolǵan kezde bas tartady:
1) bul aýmaqtaǵy nómirleý resýrsynyń shekteýliligi;
2) Qazaqstan Respýblıkasynyń nómirleý júıesi men josparyna suratylǵan nómirleý resýrsynyń sáıkes kelmeýi;
3) ótinish berýshi qaraýǵa usynǵan qujattarda qate nemese burmalanǵan aqparattyń bolýy;
4) baılanys jelisin qurý syzbasy men baılanys qyzmetin sıpattaý ótinishimen birge usynylǵan suratylǵan nómirleý resýrsyna nómirleý resýrsyn paıdalanýy boljanatynyn kórsetý úshin sáıkes kelmeýi.
Túsindirme jazbada kórsetilgen málimetterdi tekserý úshin ótinish berýshiniń qujattary baılanys salasyndaǵy ýákiletti organnyń aýmaqtyq bólimshelerine joldanady. Osy tarmaqtyń 1)-4) tarmaqshalarynda keltirilgen nómirleýdi bólýden bas tartý sebepteriniń tizbesi tolyq bolyp tabylady.
30. Zańnyń 8-babynyń 1-tarmaǵy 19-14) tarmaqshasyna sáıkes bekitilgen Baılanys qyzmetterin kórsetý qaǵıdalaryna sáıkes telekommýnıkasııalar qyzmetin kórsetýge abonent jáne baılanys operatory (qyzmet provaıderi) arasynda shart jasalǵanda baılanys operatory (qyzmet provaıderi) abonentterge operator jelisiniń nómirleý josparynan abonenttik nómirler beredi.
31. Qazaqstan Respýblıkasynyń nómirleý júıesi men jospary ózgergen jaǵdaıda, ýákiletti organ 30 jumys kúni ishinde baılanys operatorlaryna jáne telekommýnıkasııalar jelileriniń ıelerine bólingen nómirleý resýrsynyń, sondaı-aq naqty alýshysy joq nómirleý resýrsynyń ózgerýi týraly sheshim qabyldaıdy. Ýákiletti organ baılanys operatorlaryna, qyzmetter provaıderlerine, telekommýnıkasııalar jelileriniń ıelerine bólingen nómirleý resýrsyn ózgertý týraly sheshiminiń qabyldanǵannan keıin 10 jumys kúniniń ishinde baılanys operatorlaryn, qyzmetter provaıderlerin, telekommýnıkasııalar jelileriniń ıelerin habardar etedi.
Bul rette baılanys operatorlary men jeli ıelerine qoldanystaǵyǵa balamaly nómirleý resýrsy usynylady.
Qazaqstan Respýblıkasynyń jelilerin sıfrlyq stansııalarǵa kóshirý shamasyna qaraı ýákiletti organ shuǵyl jáne anyqtamalyq-aqparattyq, tapsyrys berý qyzmetterine qatynaý úshin bólingen «1UV» nómirlerin Qazaqstan Respýblıkasynyń nómirleý júıesi men josparyna sáıkes «1UV (H1(H2))» nómirlerine aýystyrady.
32. Ýákiletti organ nómirleý resýrsyn alyp qoıýdy mynadaı jaǵdaılarda júzege asyrady:
1) nómirleý resýrsyn alýshynyń ótinishi boıynsha;
2) baılanys operatory (qyzmet provaıderiniń) lısenzııasynyń qoldanysy toqtatylady;
3) baılanys operatory (qyzmet provaıderi) nómirleý resýrsyn paıdalanýdy retteıtin normatıvtik qujattardy buzǵanda;
4) baılanys operatory, qyzmet provaıderi, vedomstvolyq telekommýnıkasııalar jelisiniń, arnaıy taǵaıyndalǵan telekommýnıkasııalar jelisiniń, korporatıvtik jeliniń ıesi bólingen «AVS» kodymen nómirleýdiń geografııalyq anyqtalatyn aımaǵyndaǵy jergilikti telekommýnıkasııalar jelileriniń nómirleý resýrsynyń 50 paıyzdan astamyn taǵaıyndalǵan sátten bastap eki jyldyń ishinde paıdalanbaǵanda (ýákiletti organ júzege asyratyn tekserý nátıjeleri boıynsha);
5) nómirleý resýrsyn alýshymen nómirleý resýrsyn paıdalanbaǵanda («DEF» kodtary men «DEF» kodyndaǵy «H1», «H1H2» ındeksteri; qyzmetterdiń qol jetkizý kodtaryn paıdalanýymen baılanys qyzmetterin usynatyn (H1H2H3)/(H1H2H3H4) operatorlar kodtary; «1UV (H1(H2))» shuǵyl jedel, aqparattyq-anyqtamalyq jáne tapsyrys berý qyzmetterine qol jetkizý nómirleri, qalaaralyq jáne (nemese) halyqaralyq baılanys operatorlarynyń tańdaý prefıksteri) taǵaıyndalǵan sátten bastap eki jyldyń ishinde 6 aıdan astam tańdaý prefıksteri (ýákiletti organ júzege asyratyn tekserý nátıjeleri boıynsha).
Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalaryna 1-qosymsha
Nysan
Bólingen jáne rezervtik nómirleý resýrstarynyń tizilimi
№ r/s Nómir-leý resýrsy Bólingen jáne rezer-vtik nómir-leý resýrs-tary-nyń sany Paıda-laný aýmaǵy Nómirleý resýrsyn alýshynyń ataýy men uıym-dastyrý-shylyq-quqyqtyq nysany Nómirleý resýrsyn bólý, ózgertý, qaıtaryp alý týraly buıryqtyń nómiri men qol qoıylǵan kúni Qyzmet ataýy Eskert-pe
1 2 3 4 5 6 7 8
Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalaryna 2-qosymsha
Nysan
Biryńǵaı telekommýnıkasııa jelisiniń nómirleý resýrsyn bólýge ótinish
1. О́tinish berýshi (zańdy tulǵalar úshin – tolyq jáne qysqasha ataýy, jeke tulǵalar úshin – tegi, aty, ákesiniń aty).
2. JSN/BSN.
3. Poshtalyq mekenjaıy.
4. Baılanys derektemeleri (telefon, faks, teleks).
5. Banktik derektemeler.
6. Ýákiletti organ bergen lısenzııasynyń jáne onyń qosymshasynyń derektemeleri (lısenzııalanatyn baılanys qyzmetterin kórsetken jaǵdaıda).
7. Jeliniń tolyq jáne qysqartylǵan ataýy (eger bolsa).
8. Jelini qurýǵa jáne paıdalanýǵa jaýapty tulǵanyń laýazymy, aty-jóni.
9. Suratylatyn nómirleý resýrsynyń kólemi.
10. Suratylatyn nómirleý resýrsyn paıdalaný boljanyp otyrǵan aýmaq.
Qosa beriletin qujattar:
1) osy Qaǵıdalarǵa 3-qosymshaǵa sáıkes resimdelgen túsindirme jazba;
2) zańdy tulǵa úshin – jedel izdestirý qyzmetin júrgizetin organdardan basqa – Jarǵynyń kóshirmesi;
3) dara kásipker úshin – ótinish berýshiniń dara kásipker retinde memlekettik tirkelgeni týraly kýáliktiń kóshirmesi.
______________________
(ótinishke qol qoıýǵa ýákiletti tulǵanyń laýazymy)
______________________
(laýazymdy tulǵanyń T.A.Á.A)
Mór orny
Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalaryna 3-qosymsha
Nysan
Túsindirme jazba
1. Jeliniń ataýy men túri.
2. Jeliniń qyzmet etýin qamtamasyz etetin ákimshilik-uıymdastyrý qaǵıdattary (menshik nysany, ıesi, paıdalanylatyn kásiporyndar, kásiporyn – halyqaralyq operator, olardyń quqyqtyq jáne fýnksıonaldyq qatynastary).
3. О́tinim berý kezindegi jeliniń paıdalanýǵa daıyndyǵy (nemese paıdalanýdy bastaý merzimi).
4. Jeli qurýdyń qysqasha tehnıkalyq qaǵıdattary:
1) qurylymy, onyń ishinde qalaaralyq (halyqaralyq, aımaqishilik) jelilermen ózara is-qımylyn júzege asyratyn elementter;
2) qalaaralyq (halyqaralyq) jelilermen túıisýdi tehnıkalyq qamtamasyz etý (jeliaralyq túıisý hattamalary, tikeleı túıisý, baılanys arnalarynyń túrleri jáne olardy uıymdastyrý tásilderi).
5. Qalaaralyq jáne halyqaralyq baılanys qyzmetterin, Internet jelisine qoljetimdilik qyzmetterin, IP-telefonııa qyzmetterine (Internet-telefonııa) jáne baılanystyń ıntellektýaldyq jeliler qyzmetterine usyný úshin uıymdastyrý-tehnıkalyq daıyndyǵy (shet elderdiń túıindesý jelileriniń operatorlarymen, otandyq jelilermen nemese tranzıt berý týraly halyqaralyq tranzıttik toraptarmen, halyqaralyq arnalar jabdyqtaýshylarymen kelisimderdiń bolýy, tehnıkalyq quraldardyń bolýy jáne fýnksıonaldyq daıyndyǵy).
6. Jeliniń jumys isteý aýqymy:
1) jeli topologııasy (Qazaqstan Respýblıkasynyń, TMD elderiniń, basqa da shet elderdiń jeli qamtıtyn qalalary men aımaqtarynyń tizbesi);
2) paıdalanýshylardyń, onyń ishinde qalaaralyq (halyqaralyq) baılanys qyzmetterimen paıdalanylatyndardyń sany;
3) tikeleı túıindesý júrgiziletin shetel jelileri men tranzıttik toraptarynyń tizbesi;
4) paıdalanýshylarǵa, tapsyrys berilgen jelimen tikeleı túıindesýi joq shetel jelileriniń abonentterine shyǵýdy usyný múmkindigi;
5) qalaaralyq (halyqaralyq) trafık (kiris, shyǵys);
6) qyzmetterdiń quramy.
7. Jeliniń nómirleý josparyn qurý qaǵıdattary.
8. Qyzmetterdiń sıpaty.
Eskertpe:
1) 4, 5-tarmaqtar boıynsha málimetter ótinish berý kezindegi jaǵdaı boıynsha jazylady jáne jelini damytý jospary boıynsha derekter keltiriledi;
2) 5-tarmaq nómirleý aımaǵynyń «DEF» kodtaryn, «DEFH1» jáne «DEF H1H2» kodtaryn, qyzmetterge qoljetimdilik kodtaryndaǵy «H1H2H3(H4)» baılanys operatorlarynyń (qyzmetter provaıderleriniń) kodtaryn suratatyn operatorlar úshin ǵana; operatordyń tańdaý prefıksin suratatyn qalaaralyq jáne (nemese) halyqaralyq baılanys operatorlary úshin ǵana qoldanylady;
3) 6-tarmaqtyń 3)-5) tarmaqshalary nómirleý aımaǵynyń «DEF» kodtaryn, «DEF H1» jáne «DEF H1H2» kodtaryn suratatyn operatorlar úshin ǵana jaramdy;
4) eger buryn lısenzııa alýǵa usynylǵan túsindirme jazba ózgertilse, 7-tarmaq boıynsha jańa nómirleý jospary qosymsha beriledi.
Nómirleý resýrsyn bólý jáne nómirlerdi berý, sondaı-aq olardy alyp qoıý qaǵıdalaryna 4-qosymsha
Nysan
Biryńǵaı telekommýnıkasııa jelisiniń nómirleý resýrsyn alyp qoıýǵa ótinish
1. О́tinish berýshi (zańdy tulǵalar úshin – tolyq jáne qysqasha ataýy, jeke tulǵalar úshin – tegi, aty, ákesiniń aty).
2. JSN/BSN.
3. Poshtalyq mekenjaıy.
4. Baılanys derektemeleri (telefon, faks, telefon).
5. Alyp qoıýǵa usynylatyn nómirleý resýrsynyń kólemi.
6. Nómirleý resýrsyn alyp qoıýǵa ótinish bergen aýmaq.
7. Nómirleý resýrsyn alyp qoıýǵa ótinish berý sebebi.
8. О́tinimge qosa nómirleý resýrsyn bólý týraly buıryqtyń kóshirmesi usynylady.
______________________
(ótinishke qol qoıýǵa ýákiletti tulǵanyń laýazymy)
______________________
(laýazymdy tulǵanyń T.A.Á.A)
Mór orny
Buıryq Qazaqstan Respýblıkasynyń Ádilet mınıstrliginde 2015 jylǵy 16 naýryzda Normatıvtik quqyqtyq kesimderdi memlekettik tirkeýdiń tizilimine №10445 bolyp engizildi.