Pavlodar oblysynda jalǵan aqparat taratqan jasóspirimniń ata-anasy jaýapqa tartyldy, dep jazady Egemen.kz.
«102» arnasyna habarlasqan qyz birneshe mınýt buryn 13 jasar baýyry qońyraý shalyp, «belgisiz adamdar ony qara djıppen alyp ketip, uryp-soǵyp jatyr» dep aıtqan.
Keıinnen telefon sóndirilgen. Aqparattyń anyq-qanyǵyn anyqtaý úshin polıseıler Atameken kentine barǵan. Onda týystary qyzdyń jattyǵýda bolý kerek ekenin aıtqan.
Arada biraz ýaqyt ótkende, jalǵan aqparat bergen jasóspirim úıine oralǵan. Ol ishi pysqannan osyndaı qadamǵa barǵanyn moıyndaǵan.
«Arnaýly qyzmetterdi kórineý jalǵan shaqyrý faktisi boıynsha jasóspirimniń ata-anasy ákimshilik jaýapkershilikke tartyldy. Endi jasóspirimniń ata-anasyna 30 AEK kóleminde aıyppul tóleýge týra keledi. Bul prank bolǵany jaqsy. Biraq kámeletke tolmaǵandar keıde mundaı ázilder tek kúlki ǵana emes, sonymen birge naǵyz alańdaýshylyq týdyrýy múmkin ekenin este ustaýy kerek», delingen Pavlodar oblysynyń Polısııa departamenti taratqan habarlamada.