Seýlde myńdaǵan adam el prezıdenti Iýn Sok Ioldiń otstavkaǵa ketýin talap etip, sherýge shyqty, dep habarlaıdy Egemen.kz.
Sherýshiler memleket basshysynyń rezıdensııasy mańyna jınalyp, polısııanyń tosqaýylyn buzyp ótken. Osyǵan baılanysty birneshe adam qamaýǵa alyndy. Dál osy narazylyq aksııasymen qatar Seýlde Iýn Sok Ioldiń jaqtastary da kóshege shyqty. Olar prezıdentke jarııalanǵan ımpıchmenttiń zańsyz dep tanylýyn talap etti.
Aıta keteıik, jýyrda eldiń joǵarǵy soty memleket basshysyn qamaýǵa alý týraly order bergen edi. Sebebi Iýn Sok Iol áskerı jaǵdaı engizýge qatysty qylmystyq is boıynsha tergeýge kelmegen. Alaıda polısııa qyzmetkerleri prezıdentti qamaýǵa ala almady.