Sınoptıkter aldaǵy úsh kúnge arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK habarlaýynsha, seısenbi, 7 qańtardan bastap respýblıkanyń basym bóliginde aýa-raıy ylǵaldyń úlken qory bar Ońtústik Kaspıı sıklonymen qalyptasady.
7 qańtarda Respýblıkanyń soltústik-batysynda, soltústiginde, shyǵysynda jáne ortalyǵynda – qar jaýyp, boran soǵady.Ońtústik-batysta, ońtústik jáne ońtústik-shyǵys oblystarda – jaýyn-shashyn (jańbyr, qar) jaýady. Túrkistan oblysynyń taýly aımaqtarynda qatty jaýyn-shashyn (jańbyr, qar) jaýady.
Boljam boıynsha, 8 qańtarǵa qaraǵan túni batys antısıklonymen aýa temperatýrasyn kúrt tómendetetin sýyq aýa massalarynyń basyp kirýi kútiledi:
túnde respýblıkanyń soltústik jartysynda -15-25°S aıazǵa deıin, ońtústiginde -5-15°S aıazǵa deıin, Almaty jáne Jetisý oblystarynyń taýly aımaqtarynda -20-25°S aıazǵa deıin tómendeıdi. «Alaıda, 9 qańtarda kúndiz aýa temperatýrasy qaıtadan kóteriledi: respýblıkanyń soltústik jartysynda 0-5°S aıazǵa deıin, ońtústik jartysynda 0+5°S deıin», delingen «Qazgıdromet» habarlamasynda.Sondaı-aq Qazaqstanda jeldiń kúsheıýi, tuman jáne kóktaıǵaq kútiledi.