Senator Darhan Qydyráli Shymkent qalalyq máslıhatynyń depýtattarymen kezdesti, dep habarlaıdy Egemen.kz.
Júzdesýge qoǵamdyq keńes músheleri, zııaly qaýym ókilderi jáne ál-Farabı atyndaǵy qalalyq ǵylymı-ámbebap kitaphananyń qyzmetkerleri qatysty.
Depýtat Prezıdent Qasym-Jomart Toqaevtyń «Ana tili» gazetinde jarııalanǵan suhbatynyń negizgi tujyrymdaryna jan-jaqty toqtaldy. Onda óńirlerdiń tepe-teń damýynyń mańyzdylyǵy, azamattardyń ómir súrý deńgeıin arttyrý jáne ekonomıkany nyǵaıtý sııaqty negizgi taqyryptarǵa basa nazar aýdaryldy. Senator kezdesýge qatysýshylardyń suraqtaryna jaýap berip, óńirdiń ózekti máselelerin de talqylady.
Túrkistan oblysyndaǵy Saryaǵash aýdanynda «Jibek joly» jáne Qonysbaev atyndaǵy shekara beketteriniń jumysymen tanysý barysynda Darhan Qydyráli shekarashylarmen áńgimelesip, shekaradaǵy jumysty uıymdastyrýǵa qatysty ózekti máselelerdi talqylady.
Senator Qazaqstan men О́zbekstan arasyndaǵy shekaradan qaýipsiz jáne tıimdi ótýdi qamtamasyz etýdegi osy nysandardyń mańyzdylyǵyn atap ótti. Depýtat Parlament tarapynan halyqaralyq yntymaqtastyqty nyǵaıtý jáne óńirlerdi damytýǵa baǵyttalǵan jumys belsendi jalǵasatynyn atap ótti.