8 qańtarda Almatydaǵy Rysqulov dańǵylynda Lobachevskıı kóshesine jetpeı birneshe kóliktiń qatysýymen zardaby aýyr jol-kólik oqıǵasy boldy, dep habarlaıdy Egemen.kz.
Subaru Forester oń jaq jolaqpen joǵary jyldamdyqpen kele jatyp, júrgizýshisi taıǵaq jolda kólikke ıe bola almaı qalǵan. Jol jıegindegi qar úıindisi kóliktiń taıǵanaýyna sebep bolýy múmkin.
Jeńil kólik jol jıeginde turǵan Renault júk kóligine soǵylǵan. Soqqynyń kúshti bolǵany sonshalyq, aýyr júk kóligi alǵa jyljyp, aldynda turǵan basqa júk kóligimen soqtyǵysqan.
Soqqydan keıin Subaru qaıta serpilip, joldyń arǵy betine shyǵyp ketip, oǵan Audi A6 kóligi soǵylǵan. Soqqydan Subaru kóliginiń jolaýshylar jaǵyna ájeptáýir zaqym kelgen.
Jol apaty saldarynan aldyńǵy oryndyqtaǵy Subaru jolaýshylarynyń biri sol jerde qaza tapqan. Kólik júrgizýshisi men taǵy bir jolaýshy aýyr jaraqat alyp, aýrýhanaǵa jetkizildi.
Oqıǵa ornynda jol polısııasynyń qyzmetkerleri men krımınalıster jumys istep jatyr. Boljam boıynsha júk kólikteri Estonııada tirkelgen.
Rysqulov dańǵyly boıymen shyǵys baǵyttaǵy kólik qozǵalysy qıyndap, aýdanda úlken kólik keptelisi paıda boldy. Oqıǵanyń mán-jaıy anyqtalyp jatyr.