«Ulttyq jospar jańa jeńisterge umtyldyrady»

PETROPAVL. 1 mamyr. Soltústik Qazaqstan oblysynda 1 mamyr merekesin keńinen atalyp ótip jatyr. Oblystaǵy tatý-tátti, bir úıdiń balasyndaı, bir qoldyń salasyndaı ómir súrap jatqan túrli etnos ókilederi osy merekeni asyǵa kútetini sózsiz. Solardyń biri -«Sovhoznaıa» orta mektebiniń dırektory Svetlana Avgýstınskaıa Qazaqstan Respýblıkasy Prezıdenttigine saılaýdyń joǵary deńgeıde ótip, halyqtyń Elbasy Nursultan Nazarbaevty bir aýyzdan saılaǵanyn maqtan etedi. Bul týraly egemen.kz tilshisi habarlady.

«Elbasy  Qazaqstan Prezıdenti laýazymyna resmı kirisý rásiminde sóılegen sózinde   26 sáýirde ótken saılaý Qazaqstan  halqynyń birligine beriktigi men kemel bolashaǵyna senimdiligin pash etkenin aıryqsha atap kórsetti.   Soltústikqazaqstandyq saılaýshylar  da joǵary uıymshyldyqtyń  úlgisin kórsetip,  Elbasymyzben birge bolatyndaryn  biraýyzdan  málim etti.  Men  Svetlopolsk aýyldyq okrýginde ornalasqan  № 344 saılaý ýchaskesinde qoǵamdyq baqylaýshy mıssııasyn atqara júrip,  jurtshylyqtyń saılaýǵa degen erekshe  ynta-yqylasy men joǵary jaýapkershiliginiń  kýási boldym.  Tizimdegi  saılaýshylardyń 99 paıyzy  óz tańdaýlaryn  jasap,  el tutastyǵy, urpaǵymyzdyń bolashaǵy, memlekettiligimizdiń nyǵaıýy beı-jaı  qaldyrmaıtyndaryn aıǵaqtady. Prezıdenttiń Ant berý saltanatyndaǵy «Máńgilik El» ulttyq ıdeıasy men «Qazaqstan-2050» Strategııasyna, «Nurly Jol» baǵdarlamasy men «Bes halyqtyq reformaǵa» elimniń bildirgen qoldaýy. Men úshin el seniminen asqan mártebe joq, sol senimdi ataýdan artyq baqyt joq. Sol sebepti,  men Qazaqstannyń jarqyn bolashaǵy jolynda  táýekelge de daıynmyn»,– dep aǵynan jaryla aıtýy tańdaýdan qatelespegenimizdi, keleshekke josparlanǵan baǵyt-baǵdarlarlarymyzdyń múltiksiz oryndalatynyn taǵy bir aıǵaqtap berdi», deıdi ol. Onyń aıtýynsha, kez-kelgen eldiń qýaty – halqynyń birliginde ekenin Qazaqstan halqy Assambleıasynyń HHII  sezinde alǵa tartqan  Memleket basshysynyń   delegattar nazaryn bes halyqtyq reformaǵa aýdarýy tekten tek emes.  О́ıtkeni,  búkilhalyqtyq mehanızmder men mega-jobalardy iske asyrý arqyly ǵana  birtutas ulttyq máselelerdi sheshýge,  tynyshtyq pen tatýlyqtyń qazaqstandyq modelin qalyptastyrýǵa  qabilettimiz. Osy rette ol Nursultan Ábishulynyń  salmaqty da kóregen ıdeıalarymen ınaýgýrasııa kezinde de bólisip, Qazaqstandy eń qýatty elderdiń qataryna qosý jónindegi batyl ustanymyn taǵy bir qýattap bergenin, qazaqstandyqtarǵa  tórtkúl dúnıede daǵdarystar men janjaldardyń jańa ushqyndary órship otyrǵanyn jetkize kelip, 5 syrtqy syn-qaterlerdiń  qaýip  tóndirip otyrǵanyn eskertkenin aıtty.  «Oǵan qarsy turarlyq, eńseretin, tyń belesterge umtyldyratyn bes aýqymdy mindetterdi usyndy. Osylaısha,  «Qazaqstan-2030»  alǵashqy uzaq merzimdi Strategııasyn qabyldap, ornyqty damý jolyna nyq túsken  elimizdiń ekonomıkalyq ósimin báseńdetpeý, azamattardyń ómir súrý deńgeıin kóterý qaǵıdattaryn múltiksiz júzege asyrý úshin Elbasy Jarlyǵymen Prezıdent janynan  Jańǵyrtý jónindegi Ulttyq komıssııanyń qurylǵanyn, oǵan 5 reformany  kezeń-kezeńmen asyrýdy basqarý, úılestirý sekildi mindetter júktelgenin estip,  halyqtyq reformalardy qaltqysyz oryndaýdyń qoǵaýshy  kúshi retinde qabyldadyq», dedi ol. Sonymen birge ol Elbasynyń «memlekettik qurylystyń odan arǵy 100 naqty qadamy»  atty Ult Josparyn usynǵanyn, bul baǵdarlama – bizdiń jahandyq jáne ishki-syrtqy qaterlerge, bir mezgilde,  jańa tarıhı jaǵdaılarda 30 damyǵan memlekettiń qataryna ený  jónindegi josparymyz ekenin,  reformalardy júzege asyrý – alda turǵan 10-15 jylda birinshi kezektegi ulttyq mindet» deı otyryp,  komıssııanyń alǵashqy otyrysynda  jarııalaıtynyn aıtqanyn atap ótti. «Bul kúndi de taǵatsyzdana tosyp otyrmyz», dedi ol. О́mir Esqalı. Derek, sýret: egemen.kz