Qyzylorda oblysynda munaı ónimderin urlaýmen aınalysqan qylmystyq top qolǵa tústi, dep jazady Egemen.kz.
Qylmystyq shemaǵa óndiris nysanynyń qyzmetkerleri men kúzetshileri de tartylǵany belgili boldy.
20-dan astam tintý sharalary kezinde kúdiktilerden 25 tonnadan astam urlanǵan munaı ónimderi tárkilengen.
«Qylmystyq top kásiporynǵa 200 mıllıon teńgeden astam shyǵyn keltirgen. Polısııaǵa 12 adam jetkizildi, onyń 9-y ýaqytsha ustaý ızolıatoryna qamaldy. Oblystyq Polısııa departamentiniń tergeý basqarmasy munaı ónimderin urlaý jáne tıisti qujattarsyz tasymaldaý faktileri boıynsha tergeý júrgizip jatyr», dedi IIM uıymdasqan qylmysqa qarsy kúres departamentiniń ókili Qýandyq Alpys.