Erjan Maksım Dýbaıda ótken Sanremo best song 2025 án baıqaýynyń Gran-prıin jeńip aldy. Bul týraly 17 jastaǵy oraldyq ánshiniń ózi Instagram-daǵy paraqshasynda jazyp, súıinshi surady, dep habarlaıdy Egemen.kz.
Erjan Qazaqstan halqy men jankúıerlerine qoldaýy men senimi úshin alǵys aıtty.
«Sanremo best song 2025 Dubai halyqaralyq ánshiler konkýrsyn baǵyndyrý buıyrǵan eken, qadirmendi aǵaıyn. Endeshe, erekshe sezimmen osy jeńisimdi barlyq meniń ónerimdi baǵalap, osy kúnge deıin meni qoldap júretin qazaq elime basymdy ıemin! Biraq osy joly besikten osy kúnge mápelep ósirgen, ónerime bar ómirin arnaǵan anam men ákeshime arnaǵym da keledi! Týǵan-týys pen jaqyndaryma, ustazdarym men dostaryma jáne barlyq qoldaý bildirgen jan aǵalaryma!», dep jazdy ol.