ORAL. 4 aqpan. Oralda sottar qyzmetiniń ótken jylǵy qorytyndylaryna arnalǵan brıfıng ótkizildi. Bul týraly egemen.kz habarlady.
Jıynda Batys Qazaqstan oblystyq sotynyń tóraǵasy Bek Ámetov ótken jyly óńirdegi sottardyń atyna 107 aryz-shaǵym kelip túskenin málimdedi. Bul shaǵymdar negizinen sot úderisi barysyndaǵy sýdıalardyń is-áreketine qatysty týyndaǵan. Oblystyq sot tóraǵasynyń aıtýynsha, turǵyndar negizinen birqatar sot sheshimderimen kelispeıtini týraly ún qatqan.
«О́tken jyly Asqar Aıtýǵanov, Baqytjan Satybaldıev, Dastan Báımenov jáne Serik Hýsaınov sekildi tórt sýdıa qyzmetterinen bosatyldy», – dedi Bek Ámetov.
Tóraǵanyń túsindirýinshe, Batys Qazaqstan oblystyq mamandandyrylǵan aýdanaralyq qylmystyq sotynyń sýdıasy Asqar Aıtýǵanov sýdıa mártebesine sáıkespeıtin qylyqtarǵa jol bergeni úshin atqaryp júrgen qyzmetinen bosatylǵan. Al Oral qalalyq sotynyń sýdıasy Dastan Báımenov pen aýdandyq sottyń sýdıasy Serik Hýsaınovtar eńbek tártibin buzǵandary úshin qyzmetterimen qoshtasqan.
Sondaı-aq byltyrǵy 14 qazanda sýdıa Ibragım Nııazǵalıev tóraǵalyq etken Oral qalalyq soty Zelenov aýdandyq sotynyń buryńǵy tóraǵasy Baqytjan Satybaldıevti óziniń jumys kabınetinde «Ǵınııat» Qurylys JShS-nyń dırektorynan 200 myń teńge kóleminde para alǵany úshin kináli dep taýyp, ony alty jylǵa bas bostandyǵynan aıyrý jóninde úkim shyǵardy.
Temir Qusaıyn.
Derek: egemen.kz.
Sýret: uralskweek.kz.