«Qytaı. 80-shi jyldar jáne budan da basqa» dep atalatyn Telegram arnada jazba jaryq kórdi. Onda Prezıdent Qasym-Jomart Toqaevtyń keńestik qytaıtanýshylarmen birge tájirıbe almasý úshin alǵash ret aspanasty eline barǵan kezderinen sýret jarııalanǵan.
Belgili qytaıtanýshy ǵalym Ivan Zýenko 1983 jyly Qytaıda taǵylymdamadan ótken tanymal adamdar týraly esteligin jazǵan.
«Keńestik qytaıtanýshylardyń 1983 jyly Qytaıǵa alǵash ret tájirıbe almasýǵa barǵan sapary esten ketpeıdi. Men 1983-1984 jyldardaǵy sol alǵashqy toptyń (10 adam jáne barlyǵy Máskeýden, barlyǵy tek Beıjińde oqydy) eki ókiliniń sýretin taýyp aldym», deıdi avtor
Onyń jazýynsha, qytaıtanýshylardyń keıingi tolqynynda adam aıtarlyqtaı kóbirek bolǵan jáne olar joǵary bilimdi akademııalyq ortada óte tanymal edi. Soǵan qarap, 1983-1984 jyldardaǵy toptan «tarıhı iz» qalmaǵan bolýy yqtımal. Alaıda, 1983-1984 jyldardaǵy tolqynnyń ekeýi qazir óte tanymal adamdar.
Birinshiden, Qasymjomart Toqaev (ol kezde onyń esimi osylaı jazylýshy edi) – fotoda oń jaqta tur. Máskeý memlekettik halyqaralyq qatynastar ınstıtýtynyń túlegi, sol kezde 30 jastaǵy KSRO Syrtqy ister mınıstrliginiń qyzmetshisi edi. Qazir Qazaqstan Prezıdenti.
Ekinshiden, Igor Morgýlov Máskeý memlekettik ýnıversıteti Azııa jáne Afrıka elderi ınstıtýtynyń 22 jastaǵy túlegi, qazir Reseıdiń Qytaıdaǵy elshisi.
Toqaev oń jaqta tur, ekeýiniń sol kezdegi birge túsken sýretteri tabylmady. Alaıda Toqaevtyń janynda turǵan adam da tanymal qytaıtanýshy - Andreı Sarenko. Sol kezde ol Máskeý memlekettik halyqaralyq qatynastar ınstıtýtynyń stýdenti edi, keıinirek KSRO elshiliginiń qyzmetshisi.
«Sýret Szıansý provınsııasynyń Ýsı qalasyna sapar barysynda túsirildi, Q.K. Toqaevtyń «Belasý» kitabynan alyndy», dep jazady avtor.