Anyqtalǵandaı, kámeletke tolmaǵan sottalýshylar adamdar tobymen aldyn ala sóz baılasý arqyly, Baızaq aýdany Qumjota aýylyndaǵy mekteptiń ájethanasynda 8-shi synyp oqýshylaryn jınap, baǵyný men nusqaýlaryn oryndaýdy talap etip, olardyń keýde tusynan judyryqpen urǵan. Keýdesiniń sol jaq bóliginen alǵan soqqylardyń saldarynan kámeletke tolmaǵan bala oqıǵa ornynda kóz jumǵan.
Prokýror aıyptalýshylardyń kinási is boıynsha jınalǵan jábirlenýshilerdiń, kýálerdiń aıǵaqtarymen, saraptama qorytyndylarymen jáne zattaı dáleldemelermen dáleldengen atap ótti.
«Sot úkimimen sottalýshylar kináli dep tanylyp, L.N.-ǵa - 6 jyl 8 aıǵa bas bostandyǵyn aıyrý, L.L.-ǵa - 6 jyl 8 aıǵa bas bostandyǵyn aıyrý, T.-ǵa - 1 jylǵa bas bostandyǵyn shekteý jazalary taǵaıyndaldy. Memleket kirisine sot saraptamalaryna jumsalǵan prosestik shyǵyndar, jábirlenýshilerdiń ótemaqy qoryna májbúrli tólem, sondaı-aq jábirlenýshi taraptyń paıdasyna sottalǵandar L.N.-niń zańdy ókilinen 6 mln. teńge, L.L.-diń zańdy ókilinen 5 mln teńge moraldyq zııan óndirildi», delingen habarlamada.
Úkim zańdy kúshine engen joq.