15 qańtar tańerteń Ońtústik Koreıa prezıdenti Iýn Sok Iol tutqynǵa alyndy. Ol Ońtústik Koreıa tarıhynda prezıdent laýazymynda jumys istep jatqan, biraq qyzmetinen ýaqytsha shettetilgen ýaqytta tutqyndalǵan alǵashqy memleket basshysy bolyp otyr, dep jazady Egemen.kz.
Sottyń ony tutqyndaý týraly orderin oryndaýǵa 200-ge jýyq polısııa qyzmetkeri men 40 tergeýshi qatysqan. Olar rezıdensııada prezıdent kúzetshileriniń qarsylyǵyna tap bolǵan. 2,5 saǵattyq kelispeýshilikten keıin ǵana polıseıler Iýn Sok Ioldi tutqyndaý operasııasyn oryndaı aldy.
Iýn Sok Iol 2024 jyldyń 3 jeltoqsanynda elde áskerı jaǵdaı engizgen áreketine baılanysty synǵa ushyrap otyr.
Al Yonhap agenttigi prezıdent Iýn Sok Iol kóteriliske jetekshilik etti degen aıyppen qamaýǵa alynǵanyn habarlaǵan.