«Bolashaqtyń oıyndary» týrnırin ótkizetin Dıreksııa quryldy

Týrızm jáne sport mınıstrliginiń habarlaýynsha, Dıreksııanyń mindeti – 2026 jyly Astanada ótetin «Bolashaqtyń oıyndary» halyqaralyq mýltısporttyq týrnırin uıymdastyrý jáne ótkizý.   Prezıdent Qasym-Jomart Toqaevtyń bastamasymen júzege asyrylatyn is-shara el sportyndaǵy mańyzdy oqıǵa bolmaq.   Aıta keteıik, 2024 jylǵy 13 qazanda Dýbaıda (BAÁ) ótken resmı rásimde Qazaqstan 2026 jyly dástúrli sport túrleri men kıbersportty biriktiretin biregeı týrnır – Phygital Games of the Future jarysyn ótkizý quqyǵyna ıe bolǵan edi. 2026 jylǵy jarysty uıymdastyrýǵa Qazaqstannan bólek, Perý jáne Chılı memleketteri de úmitker bolǵan.