Aqtaý portynyń aýqymy

soltústik baǵytta kestege sáıkes keńeıip keledi Kaspııdegi Aqtaý teńiz portyn soltústik baǵytta keńeıtý jobasy boıynsha joldyń joǵarǵy jaǵyn tóseý jónindegi barlyq jumystardy qurylysshylar 1 shildege qaraı aıaqtaýdy josparlap otyr, dep habarlady «QTJ» UK» AQ-tyń baspasóz qyzmeti. Úsh aılaq – astyq, kon­teı­nerlik jáne bas júkter úshin aılaqtar qurylysy qazir­diń ózinde is júzinde aıaqta­lyp qaldy. Astyq termı­na­lynyń barlyq alty saqtaý shuńqyry kóterilip, qural-jab­dyqtardy montajdaý ju­mystary sońǵy belesine jetken. Tórtinshi aılaq – port flo­tyna arnalǵan aılaq ju­mys­taryn támamdaý jaqyn araǵa belgilengen. Qazirgi kezde elektrmen qam­tamasyz etýdiń syrtqy ju­mystary júzege asyry­lýda. Syrtqy elektr jeli­leri tartylyp, ishki alańdyq trans­formatorly podstan­sa jetkizilýde jáne quras­ty­rylýda. Temirjol jelisi arqyly munaı ótkizgishti kóshirý jumystary da qarqyndy júrip jatyr. – Negizgi ákimshilik ǵı­ma­ratyna arnalǵan metall qurylǵylary qurylys alańy­na 25 maýsymǵa deıin jet­kiziletin bolady, – deıdi qu­rylysshylar. Ákimshilik ǵıma­ra­ty­nyń, sanıtarlyq-epıde­mıo­logııalyq qyzmet kórsetý ortalyǵynyń, materıaldyq-tehnıkalyq qoımalardyń, qural-jabdyqtar qoımasy men kólikjaıdyń irgetasy qurylysy júrgizilýde. So­ny­men bir mezgilde, portpen baılanystyratyn avtomobıl jolyn tóseý júrip jatyr. – Qarqyn asa joǵary. Kes­teden qalmaýǵa tyrysýdamyz, – deıdi bas merdigerdiń ókili. Aqtaý halyqaralyq saý­da teńiz portyn soltústik ba­ǵyt­ta keńeıtý jobasyn júzege asyrý klıentter úshin jańa da zamanaýı qyzmet kórsetýdi qamtamasyz etip, Aqtaý por­tynyń ótkizý qabiletin qurǵaq júkterdi 3 mıllıon tonnaǵa deıin, al konteıner júkterin 1,5 mıllıon tonnaǵa deıin ulǵaıtýǵa múmkindik beredi.