Elimizge qyzyǵýshylyqtyń erekshe kórinisi

Túrkııanyń «Dünya» gazeti Qazaqstanǵa arnalǵan arnaıy nómirin jaryqqa shyǵardy Túrkııada «Dünya» aldyńǵy qatarly eko­nomıkalyq gazetiniń tolyǵymen Qazaqstan Respýblıkasynyń jetis­tikterine arnalǵan «Qazaqstan» atty arnaıy nómiri jaryq kórdi. Ol Qazaq­stannyń jetistikteri týraly aqparattyq-anyqtamalyq materıaldar men maqalalardy, sonymen qatar, Qazaqstan Prezıdentiniń el halqyna Joldaýynyń negizgi qaǵıdalary men «Astana-EKSPO-2017» kórmesi týraly aqparattardy qamtıdy. Arnaıy shyǵarylymnyń alǵashqy betteri elshiliktiń túrik tiline aýdarǵan Elbasy N.Á.Nazarbaevtyń Qazaqstan halqyna Joldaýynyń negizgi qaǵıda­lary­men bastalady. Kelesi betterde Qa­zaqstan Syrtqy ister mınıstri E.Ydy­rysovtyń «Beıbitshilik pen ósip-ór­kendeý jolynda teńizderdi baǵyndyra otyryp» atty maqalasy, Túrkııanyń Ekonomıka mınıstri N.Zeıbekshi men Túrkııanyń Indýstrııa, ǵylym jáne tehnologııalar mınıstri F.Yshyk­tyń qazaq-túrik qarym-qaty­nas­tarynyń jaı-kúıi týraly, sonymen qatar, Qazaqstannyń Túr­kııa­daǵy elshisi Janseıit Túıme­baev­­tyń, saıasatkerlerdiń, akade­mııa­lyq qaı­rat­kerlerdiń jáne bas­qalar­dyń eki­jaqty qarym-qaty­nastardy qam­tıtyn maqalalary jarııalanǵan. Olar­da táýelsizdik jyldaryndaǵy Qazaq­stan­­nyń jetistikteri, damý baǵdar­lama­lary, Qazaq handyǵynyń 550 jyl­­­dyǵyn atap ótýge daıyndyq, EKSPO-2017 kórmesin uıymdastyrýǵa ázir­lik jáne basqa da mańyzdy máse­le­ler týraly jan-jaqty áńgime qozǵalady. Máselen, Fıkrı Yshyk óz ma­qa­la­­synda bylaı deıdi: «Qazaq-túrik qa­­rym-qatynastary ınstıtýttyq yn­­tymaqtastyqtyń joǵary deńgeıde da­­myǵanyn aıǵaqtap berip otyr. 2012 jyly Qazaqstan Prezıdenti N.Á.Na­zarbaevtyń Túrkııaǵa sapa­ry aıasynda Qazaq-túrik Joǵa­ry deń­ge­ıdegi strategııalyq ynty­maq­tas­tyq keńesiniń alǵashqy otyrysy, al Túr­kııa Premer-mınıstri R.T.Er­do­ǵannyń 2012 jylǵy Qazaq­stan­ǵa sa­pary sheńberinde ekijaqty eko­no­mıkalyq qarym-qatynastardy odan ári damytýǵa myqty negiz qalaıtyn «Ja­ńa sınergııa» atty birlesken eko­no­mı­kalyq baǵdarlamaǵa qol qoıyldy». Gazettiń redaktorlary qazaq-túrik saýda-ekonomıkalyq ynty­maq­tastyǵyna kóńil bólip qana qoımaı, Qazaqstanda jumys istep jatqan qazaq-túrik birlesken kompanııalary men fırmalarynyń rólin erekshe atap ótedi. Arnaıy shyǵarylymnyń jeke bir taraýy EKSPO-2017 halyqaralyq kórmesine daıyndyq is-sharalaryna arnalypty. 2017 jyly kórmeni uıym­dastyrý quqyn jeńip alý báse­kesine Belgııanyń Lej qalasy da túsken edi, alaıda, sheshim balamaly energııa kózderine jáne «jasyl» tehnologııalarǵa basymdyq berilgen «Bolashaqtyń energııasy» atty taqy­ryp­pen ótetin Astananyń paıdasyna shyǵaryldy, dep naqtylaıdy óz maqalasynda basylym. Jalpy, arnaıy shyǵarylym túrik qoǵamynyń Qazaqstanǵa jáne elimizdiń jetistikterine zor qyzyǵýshylyq tanytatynynyń bir kórinisi bolyp tabylady. «Dünya» – Túrkııanyń eń tanymal ekonomıka­­lyq gazeti. Ol Túrkııa­nyń barlyq aýmaǵynda, sonymen qatar, Túrkııanyń Amerıka, Eýropa jáne Taıaý Shyǵys elderindegi dıp­lomatııalyq jáne basqa da ókildik­terinde taratylady. «Egemen-aqparat».