Mádenıet jáne aqparat mınıstrliginiń «Ulttyq kitap» respýblıkalyq baıqaýyna qatysýǵa ótinimder qabyldaý bastaldy. Dúbirli doda Ulttyq kitap kúni merekesine oraı ótkiziledi.
Atalǵan baıqaý kitap oqý mádenıetin qalyptastyrý, úzdik avtorlardy anyqtap, qazaq ádebıetiniń, rýhanııatynyń damýyna yqpal etýdi, aýdarmashylardy, baspagerler men kitap dızaınerlerin qoldap, yntalandyrýdy maqsat etip otyr. Báıge 10 atalym boıynsha ótedi: «Balalarǵa arnalǵan úzdik kitap», «Úzdik komıks», «Non-fıkshn janryndaǵy úzdik kitap», «Detektıv janryndaǵy úzdik kitap», «Satıra janryndaǵy úzdik kitap», «Úzdik ılıýstrasııalyq kitap», «Úzdik aýdarma kitaby», «Fantastıka janryndaǵy úzdik kitap», «Úzdik baspa», «Jyl kitaby» Gran-prı syılyǵy.
Konkýrsqa keıingi eki jylda jaryq kórgen týyndylar qabyldanady. Qabyldaý merzimi 15 qańtar – 1 sáýir aralyǵyna ótedi.
Aıta keteıik, Memleket basshysynyń bastamasymen «Ulttyq kitap kúni» bekitilgen edi. Mereke alǵash ret 23 sáýirde atap ótiledi.