Jemqorlyqqa qarsy kúres sharalary talqylandy

Keshe Aqordada Memlekettik hatshy Gúlshara Ábdiqa­lyqovanyń tóraıym­dy­ǵymen oblystardyń, Astana men Al­ma­ty qalalarynyń jáne óńirlik sybaı­las jemqorlyqqa qarsy komıssııa músheleriniń qatysýymen onlaın re­jiminde Prezıdent janyndaǵy Sybaı­las jemqorlyqqa qarsy kúres máse­leleri jónindegi komıssııanyń otyrysy ótti. Onda kvazımemlekettik sek­tor­daǵy, tabıǵı monopolııalardy retteý jáne básekelestikti qor­ǵaý salasyndaǵy sybaılas jem­qor­lyqqa qarsy is-qımyl boıynsha qabyldanyp otyrǵan sharalar, sonymen qatar, Atyraý jáne Ońtústik Qazaqstan oblystaryndaǵy sybaılas jemqorlyqqa qarsy kúres boıynsha óńirlik josparlardy iske asyrý barysy talqylandy. Jáne de sybaılas jemqorlyqqa qarsy tetiktiń tıimdi bolýy eli­mizdiń álemniń eń damyǵan 30 memleketiniń qataryna kirýi boıynsha memlekettiń strategııalyq tapsyrmasyn, bes ınstıtýttyq reformany oryndaýǵa baǵyttalǵan «Ult jospary – 100 naqty qa­damdy» júzege asyrýdyń birden-bir sharty bolyp taby­la­tyndyǵy aıtyldy. Elbasy Nursultan Nazar­baev­tyń ótken jylǵy 26 jeltoqsandaǵy Jarlyǵymen bekitilgen 2015-2025 jyldarǵa arnalǵan sybaılas jemqorlyqqa qarsy strategııasynda kvazımemlekettik sektordaǵy sybaılas jemqorlyqqa qarsy is-qımyl basym baǵyttardyń biri bolyp belgilengendigin ataı otyryp, Memlekettik hatshy qoldanystaǵy uıymdastyrýshylyq-quqyqtyq te­tikter osy sektordyń eseptiligin, baǵynystylyǵyn jáne sheshim qabyldaý rásimderiniń ashyqtyǵyn qamtamasyz etýi qajettigine toq­taldy. Onyń aıtýy boıynsha, bul kezdeısoq emes, sebebi, mem­le­kettik holdıngter men ulttyq kom­panııalardyń satyp alýlar kólemi bıýdjettik qurylymdardyń satyp alýlar kóleminen asyp túsedi. Sonymen qatar, tabıǵı monopolııalardy retteý jáne básekelestikti qorǵaý salasynda sybaılas jemqorlyq týdyratyn taýashalardy joıý da mańyzdy baǵyttardyń biri, dedi Gúlshara Ábdiqalyqova. Ol atap ótkendeı, birlesken kúsh-jigermen osy jerdegi kókeıkesti problemalardy sheshý, múddeli organdar men tabıǵı monopolııalar sýbektileri qyzmetiniń, sonyń ishinde tarıfti belgileý máseleleriniń ashyqtyǵyn qamtamasyz etý qajet. Atyraý jáne Ońtústik Qa­zaq­stan oblystary ákimderiniń jumys qorytyndylaryn qaraý barysynda jergilikti atqarý­shy organdardyń nazary bıýdjet qarajatyn jumsaýdy baqy­laý boıynsha pármendi sharalar qabyldaýǵa, halyqqa memle­ket­tik qyzmet kórsetýdiń elek­tron­dyq pishimin meılinshe keńinen qol­danýǵa jáne azamattyq sektor­dyń múmkindikterin tıimdi paıdalanýǵa aýdaryldy. Sondaı-aq, otyrys bary­synda Bas prokýror Ashat Daýyl­baevtyń, Memlekettik qyzmet isteri jáne sybaılas jem­qorlyqqa qarsy is-qımyl agent­tiginiń tóraǵasy Qaırat Qojam­jarovtyń, Atyraý oblysynyń ákimi Baqtyqoja Izmuhambetovtiń, Ońtústik Qazaqstan oblysynyń ákimi Asqar Myrzahmetovtiń já­ne de basqa laýazym ıeleriniń baıan­damalary tyńdalyp, jıyn qory­tyndysy boıynsha komıssııa memlekettik organdar men uıym­darǵa qoldanystaǵy sybaılas jemqorlyqqa qarsy tetik­terdi jetildirýge baılanys­ty usynymdar ázirledi. Elmıra MÁTIBAEVA, «Egemen Qazaqstan».