Qazaqstan Parlamenti Májilisiniń Tóraǵasy Qabıbolla Jaqypov pen Qazaqstanda resmı saparmen júrgen Belarýs Ulttyq jınalysy О́kilder palatasynyń Tóraǵasy Vladımır Andreıchenko Yntymaqtastyq týraly kelisimge qol qoıdy, dep habarlady Májilistiń baspasóz qyzmeti.
Kezdesý ıeleriniń atap ótkenindeı, eki el basshylary yqpalynyń nátıjesinde Qazaqstan men Belarýs arasyndaǵy qarym-qatynas strategııalyq sıpatqa ıe boldy.
2014 jyldyń qorytyndysy boıynsha ózara taýar aınalymy 750 mln. dollardan asty. Qazirgi ýaqytta ken jáne shahta tehnıkalaryn, traktorlardy, astyq jáne astyq jınaý kombaındaryn, basqa da tehnıkalardy qurastyrýǵa baǵyttalǵan Qazaqstan-Belarýs birlesken jobalary júzege asyrylýda.
Bul rette taraptar barlyq salada yntymaqtastyqty odan ári nyǵaıtý qajettiligine toqtaldy. Osyǵan oraı, jalpy ózara tıimdi baılanysty kúsheıtýde qos memleket parlamentteriniń yqpaly zor bolmaq. Sondyqtan, Májilis pen О́kilder palatasynyń arasynda qol qoıylyp otyrǵan búgingi Kelisim parlamentaralyq qatynastyń tereńdeýine tyń serpin beredi. Qabıbolla Jaqypov:
– Kelisim ekijaqty, sondaı-aq, kópjaqty pishimde parlamentaralyq qarym-qatynastyń bolashaǵy úshin úlken múmkindikterge jol ashady, bul eki memlekettiń ıgiligine qyzmet etetin bolady, – dedi.
О́kilder palatasynyń Tóraǵasy Vladımır Andreıchenko eki memleket arasyndaǵy ózara senim men syılastyqqa negizdelgen saıası, dıplomatııalyq, parlamentaralyq baılanystyń búgingi kúni joǵary deńgeıde damyp kele jatqanyn alǵa tarta kelip:
– Kelisimge qol qoıa otyryp, biz saıasat, saýda-ekonomıkalyq salalarda, kelisim-quqyqtyq bazany jetildirýde, aımaqtyq yntymaqtastyq baǵytynda áriptestikti odan ári tereńdetýdi josparlap otyrmyz. Ol úshin barlyq jaǵdaı jasalǵan, – dedi.