Astanada Qazaqstan musylmandary dinı basqarmasynyń 35 jyldyǵy men qasıetti Erejep aıynyń qurmetine oraı «Taıqazan» qaıyrymdylyq aksııasy uıymdastyryldy, dep habarlaıdy Egemen.kz.
QMDB «Zeket jáne qaıyrymdylyq» qory Astana qalasy ókildiginiń uıymdastyrýymen «Ar-Rahman» meshitinde ótken ıgi sharada az qamtylǵan, kóp balaly, asyraýshysynan aıyrylǵan, erekshe balalardy ósirip otyrǵan 35 muqtaj otbasyǵa azyq-túlik sebetteri taratyldy.
Igi sharaǵa «Zeket jáne qaıyrymdylyq» qorynyń mamany Álı Myrzaqulov, qordyń Astana qalasy boıynsha ókili Nurbol Qablanuly, «Ar-Rahman» meshitiniń ımamy Jandos Seıdahmetuly qatysty.
Aksııa aıasynda muqtaj jandar alǵysyn aıtyp, «Zeket jáne qaıyrymdylyq» qory men «Ar Rahman» meshitiniń jasap jatqan ıgi isterine rızashylyǵyn bildirdi.