Almaty oblysynda Jambyl aýdandyq polısııa bóliminiń 102 pýltine Qarǵaly aýylynda jas qyz ómirmen esep aıyrysýǵa nıetti ekendigi týraly shuǵyl habarlama kelip túsken, dep habarlaıdy Egemen.kz.
QR IIM baspasóz qyzmetiniń málimetinshe, 16 qańtarda japa shegýshiniń qurbysy osylaı dep dabyl qaqqan.
- Atalǵan meken-jaı boıynsha shaqyrtýǵa patrýldik polısııa jasaǵy kezekshiligindegi Ernar Quttybaev pen Nurbol Kartanbaev attandy. Oqıǵa ornyna kelgen polıseıler úıdiń esigi qulyptaýly ekenin anyqtady. Kóp oılanbaı, olar terezeni syndyryp, ishke kirýge sheshim qabyldady. Bólmelerdiń birinde tártip saqshylar tamyrlaryn kesken jas qyzdy tapty. Polıseıler jábirlenýshini dereý túrde aýyr jaǵdaıda aýyldyq aýrýhanaǵa jetkizdi, dep jazylǵan habarlamada.
Dárigerler jaǵdaıdy turaqtandyra alǵany, qazir zardap shegýshiniń jalpy bólimge aýystyrylǵany naqtylandy.