«Yesil Technology Company» kompanııasy «Kazakh Invest» qoldaýymen elimizde ónerkásiptik pılotsyz drondar óndirisin jolǵa qoımaq. Joba aýdany 50 000 sharshy metr óndiristik jáne ǵylymı zertteý aımaǵyn salýdy kózdeıdi. Aımaqqa akkýmýlıator shyǵaratyn seh, ınnovasııalyq tehnologııalar ǵylymı zertteý ortalyǵy, mashınalardyń tolyq sıklin saqtaý, ushý apparattaryna arnalǵan synaq alańy kiredi.
О́ndiristi bastaý 500 jumys ornyn ashady dep kútiledi. Investısııalardyń jalpy kólemi – shamamen 12 mln dollar. О́nimder jergilikti naryqtarǵa, sondaı-aq Ortalyq Azııa elderiniń naryǵyna jetkizilmek.
Dúnıejúzilik ushqyshsyz ushý apparattary federasııasynyń málimetteri boıynsha, 2024 jyly tómen bıiktiktegi ekonomıkanyń álemdik naryǵynyń kólemi 318,64 mlrd dollar boldy. 2050 jylǵa qaraı bul kórsetkish 8,8 trln dollardan asady.
«Shaǵyn bıiktik ekonomıkasy jańa sala retinde óziniń biregeı artyqshylyqtarynyń arqasynda álemdik ónerkásiptik qurylymdy ózgertedi. Tómen bıiktiktegi ushaqtardyń ártúrli túrin qoldaný kóptegen salada tıimdi qoldanylady, ekonomıkalyq damýdyń jańa joldaryn ashady. Aýyl sharýashylyǵy men ormandardy qorǵaýdan logıstıkaǵa deıin, geodezııadan avarııalyq-qutqarý operasııalaryna deıin tómen bıiktiktegi ekonomıkany qoldaný aıasy únemi keńeıip keledi, al onyń áleýeti sheksiz», dep atap ótti «Kazakh Invest» basqarma tóraǵasy Erjan Elekeev.
«Yesil Technology» basshysy Iýnnın Hýeıdiń sózinshe, ónimder eń qıyn jaǵdaılarda turaqty jumys isteı alady jáne paıdalanýshylarǵa tynysh, senimdi avıasııalyq qyzmet kórsete otyryp, tapsyrmalardy dál oryndaıdy.
«Yesil Technology» ónimdi jańartýǵa jáne jaqsartýǵa ǵana emes, sonymen qatar ushqyshsyz ushý apparattarynyń tehnologııalary salasynda jergilikti kadrlardy daıarlaý boıynsha mańyzdy mıssııany óz moınyna alady. Biz tehnologııalar nyǵaıyp, kadrlar biliktiligin arttyrý úshin oqytý baǵdarlamalaryn ázirleý maqsatynda ǵylymı uıymdarmen jáne kompanııalarmen tyǵyz yntymaqtastyqta jumys isteıtin bolamyz», dedi.