Inflıasııany 5%-dyq nysanaly deńgeıge tómendetý maqsatynda Ulttyq bank otandyq altyn óndirýshi kásiporyndardan buryn satyp alynǵan altyndy satý arqyly túsken dollardy ishki valıýta naryǵynda satýǵa sheshim qabyldady.
Satylatyn valıýta somasy Ulttyq bank altyn satyp alý úshin júrgizgen teńge emıssııasynyń kólemine balamaly bolady.
«Shetel valıýtasyndaǵy emıssııanyń bir toqsandyq kóleminiń balamasy kelesi toqsan ishinde ishki valıýta naryǵynda birkelki satylady. Boljamdy derekter boıynsha, basym quqyq sheńberinde 2025 jyly satyp alynatyn altynnyń josparly kólemi 70 tonna nemese altynnyń qazirgi ýaqyttaǵy baǵasy kezinde 6 mlrd dollar bolady dep baǵalanyp otyr», delinedi UB málimdemesinde.
Ulttyq bankke affınajdalǵan altyndy mindetti satý týraly 2011 jyly engizilgen norma elimizdiń altyn-valıýta rezervterin tolyqtyrýda jáne altyn óndirý salasyn damytýda mańyzdy qadam bola otyryp, edáýir oń nátıjege qol jetkizýge múmkindik berdi deıdi mamandar.
Altyn-valıýta rezervteriniń mólsheri 2024 jyldyń sońyna qaraı tarıhı eń joǵary kórsetkish – 45,8 mlrd dollarǵa jetti. Elde affınajdalǵan altyn quımalaryn óndirý kólemi aıtarlyqtaı ulǵaıdy. Bul jańa kompanııalarǵa halyqaralyq deńgeıde tanylýǵa múmkindik berdi. Mysaly, «Taý-Ken Altyn» JShS affınaj zaýyty London baǵaly metaldar naryǵy qaýymdastyǵynyń quıma sapasyna tán halyqaralyq standart boıynsha akkredıtteýden ótti.