Reseı basshysy Vladımır Pýtın jańadan saılanǵan AQSh Prezıdenti Donald Trampty ınaýgýrasııamen quttyqtap, Ýkraına qaqtyǵysy týraly dıalog qurýǵa ashyq ekenin aıtty. Bul týrasynda ol Reseı Federasııasynyń Qaýipsizdik keńesiniń múshelerimen jedel jınalysta málimdedi, dep jazady Egemen.kz.
Pýtınniń aıtýynsha, Máskeý Tramp jáne onyń komandasynyń Reseımen qarym-qatynasty durystaýǵa baǵyttalǵan nıetin baıqap, bilip otyr. Munyń aldyndaǵy dıalog Baıden ákimshiliginiń qyzmetten ketýi sebepti júzege aspaı qalǵan bolatyn.
«Úshinshi dúnıejúzilik soǵystyń aldyn-alý qajettiligi týraly barlyq málimdemesi bizdiń tarapqa jetip jatyr. Sózsiz, biz mundaı yqylasty qoldaımyz jáne AQSh-tyń jańa saılanǵan Prezıdentin qyzmetke kirisýimen quttyqtaımyz», dedi Reseı basshysy.