ATYRAÝ. 5 aqpan. Atyraý qalalyq ákimdigine qarasty Aqjar eldi mekeninde kúnine 1 tonna 200 kılo shujyq ónimderin shyǵaratyn jańa seh ashyldy. Bul týraly egemen.kz tilshisi habarlady.
Shujyq ónimderin daıyndaıtyn sehty Isataı Batyrbaev quryltaıshylyq etetin «Jemis» seriktestigi iske qosty. Sehqa Fransııadan shyǵarylǵan tehnologııalar ornatyldy. Sondaı ozyq tehnologııanyń biri –«Saris» peshinde 40 mınýtta 350 kılo shujyq farshyn daıyndaý múmkindigi bar. Seh basshysy Luqpan Abylaevtyń aıtýynsha, shujyqtar taza ári sapaly, merziminen buryn buzylýǵa jol bermeıtin qaptamamen qaptalady. Al dámdeýishter Almatydan jetkiziledi. Shujyqqa qajetti et Aqqystaý selosynan tasymaldanady.
«Bizdiń sehymyzda kúnine 1 tonna 200 kıloǵa shujyq daıyndaýǵa tolyq múmkindik bar. Joǵary sapamen daıyndalǵan óz ónimderimizdi ashyq sórelerde saýdalaýǵa qarsymyz. Tek «Ataba», «Ideal» sekildi saýda ortalyqtary arqyly tutynýshyǵa usynýdy jón kórdik», deıdi seh basshysy Luqpan Abylaev.
Jergilikti ónim óndirýshilerge grýzııalyq Sýlhan Chıhadze dámdi shujyq daıyndaý qupııasy jóninde keńes beredi. Ázirge sehta tórt túrli shujyq daıyndalady.
Joldasbek Shópeǵul.
Derek: egemen.kz.
Sýret: Rahym Qoılybaev.