Uıymdasqan qylmysqa qarsy kúres basqarmasynyń qyzmetkerleri kúdiktilerdiń únemi jergilikti turǵyndarǵa, onyń ishinde jastarǵa dene jaraqatyn salyp, qorqytyp, aqsha talap etkenin anyqtady, dep habarlaıdy Egemen.kz.
Kúdiktiler jábirlenýshilerdi kezdeısoq tapqan, olardyń deni jergilikti bıznes qyzmetkerleri, júk tasýshylar nemese dúken satýshylary bolǵan. Onyń ishinde, olar 24 jastaǵy qala turǵynynan 80 myń teńge bopsalaǵan.Aıta keteıik, búgingi tańda úsh jábirlenýshi anyqtalǵan. Polıseılerdiń habarlaýynsha, bopsalaýshylar jastardy shaǵyn nesıe alýǵa májbúrlep, telefondaryn alyp qoıǵan.
«Bopsalaý faktileri boıynsha sotqa deıingi tergeý amaldary bastaldy. Kúdiktiler qolǵa túsip, ýaqytsha ustaý ızolıatoryna qamaldy. Qazirgi ýaqytta tergeý sheńberinde kúdikti adamdardyń basqa derekterge qatysy bar-joǵy anyqtalyp jatyr», delingen habarlamada.