Eńbek jáne halyqty áleýmettik qorǵaý mınıstrligi «Kásibı merekelerdiń tizbesin bekitý týraly» buıryqqa ózgerister engizýdi maquldady, dep habarlaıdy Egemen.kz.
Qujatqa sáıkes, Qazaqstanda jańa merekeler paıda boldy:
Qarjylyq monıtorıng organdary kúni – 28 qańtar;
Teńiz jáne ózen kóligi qyzmetkerleriniń kúni – shildeniń birinshi jeksenbisi;
Temirjol kóligi qyzmetkerleri kúni – tamyzdyń birinshi jeksenbisi;
Baqylaý-ólsheý aspaptary men avtomatıka salasy qyzmetkerleri kúni – qyrkúıektiń ekinshi jeksenbisi;
Qazaqstan Respýblıkasynyń tehnıkalyq jáne kásiptik, orta bilimnen keıingi bilim berý qyzmetkerleri kúni – 2 qazan;
Avtomobıl kóligi qyzmetkerleri kúni – qazan aıynyń sońǵy jeksenbisi;
Avtojol salasy qyzmetkerleriniń kúni – qazan aıynyń sońǵy jeksenbisi;
Býhgalterlik esep jáne aýdıt salasy qyzmetkerleri kúni – 10 qarasha;
Qylmystyq-atqarý júıesi qyzmetkerleri kúni – 13 jeltoqsan.
Sonymen qatar, atalǵan merekeler Úkimettiń 2024 jylǵy 16 tamyzdaǵy №668 qaýlysymen bekitilgenine baılanysty Ulttyq baspasóz kúni men Radıo kúni atalǵan tizimnen alyp tastaldy.